కొత్త సంవత్సరం రాబోతోంది.. వచ్చే ఏడాదంతా సంతోషంగా ఉండాలని ఒకరికొకరం విష్ చేసుకుంటాం. అయితే, సంవత్సరం మొత్తం ఆనందంగా ఉండాలంటే తప్పనిసరిగా అవసరమైంది ఆరోగ్యం.
అవును.. ఒక్క ముద్దని అరిగించుకునే శక్తి లేకపోతే.. కోట్ల ఆస్తి ఉంటి ఎం లాభం? నాలుగు అడుగులు వేసే ఓపిక లేకుండా.. ఎంతటి పేరు ప్రతిష్టలున్న ఉపయోగం ఉండదు. అందుకే ఆరోగ్యానికి మించిన అదృష్టం లేదంటారు పెద్దలు. కొత్త సంవత్సరంలో మీరు రూపొందించుకునే తీర్మానాల్లో ఆరోగ్యానికి ప్రాధాన్యం ఇవ్వబోతున్నారా? అయితే కొన్ని తప్పనిసరిగా తినాలి. ఇంకొన్ని పూర్తిగా వదిలేయాలి. ఆరోగ్యకరమైన జీవనశైలి కావాలంటే ఈ డైట్ రూల్స్ పాటించాలి.
తగినంత నిద్ర
తగినంత నిద్ర లేకపోవడం అనారోగ్యానికి పునాది చాలా మంది ఆఫీస్, బిజినెస్ అంటూ పనిలో పడి నిద్రాహారాలు మానేస్తారు. దీనివల్ల తరచూ అనారోగ్యానికి గురవుతారు. అయితే శారీరకంగా, మానసిరంగా ఆరోగ్యంగా ఉండాలంటే రోజుకు కనీసం 7 నుంచి 8 గంటల పాటు నిద్రపోవాలి. సరిపడా నిద్ర ఉంటేనే శరీరంతో పాటు మెదడుకి కూడా విశ్రాంతి ఎనర్జీ రీజనరేట్ అవుతుంది. అప్పుడు రెండు రెట్లు ఎక్కువగా పని చేయొచ్చు. అందుకే రోజులో సరిపడా నిద్ర పోవడం కన్ఫర్మ్ గా ప్లాన్ చేసుకోవాలి.
వ్యాయామం
మనిషి బలంగా ఉండాలంటే రోజుకి ఇన్ని వేల అడుగులు వేయాలి. వారానికి ఇన్ని గంటలు వ్యాయామం చేయాలని డాక్టర్లు చెబుతారు. ఆలెక్కలన్నీ పక్కనపెడితే శరీరానికి చెమటపట్టేలా కండరాలన్నీ కదిలేలా ఏదో ఒక వ్యాయామం చేయకపోతే, ఊబకాయం గ్యారెంటీ ఆ తర్వాత నానా రకాల జబ్బులన్నీ చుట్టుముడతాయి. కాబట్టి రోజులో కనీసం అరగంటైనా వ్యాయామానికి సమయం కేటాయించాలి. షటిల్ జాగింగ్, వాకింగ్, స్విమ్మింగ్... లాంటివి ఉత్సాహాన్నిస్తాయి..
ALSO READ : బ్యాడ్ కొలెస్ట్రాల్ తగ్గాలంటే ఇవి తినండి..
మానసిక ఒత్తిడికి దూరం
ప్రపంచం పరుగులు తీస్తోంది. దీంతో పాటు మనం కూడా పరుగులు తీయాల్సిందే. వెనకబడలేం కదా. అయితే, అన్ని వయసుల వారు ప్రస్తుతం ఎదుర్కొంటున్న అతి పెద్ద సమస్య మానసిక ఒత్తిడి.. ప్రతి ఒక్కరికి ఏదో రూపంలో ఒత్తిడి ఉంటుంది. సమస్యను ఏ దృష్టితో చూస్తున్నారనేదాన్ని బట్టి ఒత్తిడి ఉంటుంది. కొందరు చిన్న సమస్యలను కూడా అదే పనిగా భూతద్దంలో చూసుకోవడం లేని దానిని కూడా ఊహించుకుని ఒత్తిడికి లోనవుతుంటారు. వాళ్ల ప్రవర్తన ఇంట్లో వాళ్లతో పాటు ఫ్రెండ్స్, సహో ద్యోగులపై కూడా ప్రభావం చూపిస్తుంది. చాలా మంది ఒత్తిడి పోతుందనే అపోహతో సిగరెట్, మందు వంటివి అలవాటు చేసుకుంటారు. ఈ అలవాట్ల వల్ల ఒత్తిడి ఏ మాత్రం తగ్గదు కూడా ఆఫీసులో పని భారంగా ఉంటే తోటి ఉద్యోగులతో షేర్ చేసుకోవాలి, కాస్త సమయం తీసుకోవాలి. పూర్తి చేయాల్సిన పనికి తగిన సమయం లేకపోతే ఎవరైనా సరే కాస్త ఒత్తిడికి లోనవడం సహజం. ఒత్తిడి నుంచి బయటపడటం అలవాటు చేసుకుంటే మానసికంగానే కాకుండా శారీకంగా కూడా ఆరోగ్యం బాగుంటుంది.
పరిశుభ్రమైన తాగునీరు.
కిడ్నీల్లో రాళ్లు పడే వరకు శరీరంలో నీరు తగ్గిందని గమనించం. ఉబకాయం తగ్గి చర్మం మెరవాలన్నా.. కిడ్నీల్లో క్యాల్షియం లాంటి వ్యర్థాలు పేరుకోకుండా ఉంచాలన్నా, కండరాలు బలంగా ఉండాలన్న గొంతులో కఫం కరగాలన్నా తరచూ నీళ్లు తాగుతూ ఉండాలి. అయితే, కలుషిత నీటి వల్లే ఎనభై శాతం వరకూ ఆనారోగ్యాలు వెంటాడతాయి. తాగుతున్న నీళ్లు మంచివా? కావా? అన్నది ఎప్పటికప్పుడు చెక్ చేసుకోవాలి ఎక్కడంటే అక్కడ దొరికేనీటిని తాగితే సమస్యలు తప్పవు. అందువల్ల తాగే వీటి విషయంలో చాలా జాగ్రత్తలు పాటించాలి. ఇంట్లో ఫిల్టర్లు వాడాలి. బాగా మరిగించి చల్లార్చిన నీటిని వాడటం అవసరం.. బయటికి వెళ్లినప్పుడు ఇంటి నుంచే మంచినీళ్లు తీసుకువెళ్లాలి. తగినన్ని మంచినీళ్లు తాగడం వల్ల శరీరంలో ఉండే మలినాలను జీర్ణవ్యవస్థ ఎప్పటికప్పుడు బయటికి పంపేస్తుంది. అలా జరగడంలో తేడా వస్తే రకరకాల అలర్జీలు, ఇన్ఫెక్షన్లు, కాలేయ, కిడ్నీ సమస్యలు తప్పవు.
పోషకాహారం తప్పనిసరి
చాలా మందికి కేవలం నోటికి రుచినిచ్చేది, కడుపు నింపేది మంచి ఆహారం అనే అభిప్రాయం ఉంటుంది. ఇందులో నిజం లేదు. శరీరానికి ఉపయోగపడే పోషకాలున్న ఆహారమే ఆరోగ్యాన్ని ఇస్తుంది. తీసుకునే ఆహారం తాజాగా ఉందాలి. నిల్వ చేసిన ఆహారపదార్థాల వల్ల ఆరోగ్యానికి నష్టం.. నిత్యం ఆకుకూరలు, కూరగాయలు, పండ్లు, చేపలు, గుడ్లు లాంటివి తీసుకోవాలి. అలాగే తక్కువ ప్రాసెస్ చేసిన పదార్థాలు, పొట్టు తీయని రాణ్యాలు, గింజలు, పప్పులు తినాలి. వీటిలో ఉండే యాంటీ ఆక్సిడెంట్స్ కెరోటినాయిడ్స్ ఆరోగ్యాన్ని కాపాడ తాయి. ఒక్కసారే కడుపులో పట్టనంత తినడం కంటే వీలైనంత వరకు అంటే రోజుకు నాలుగైదుసార్లు పరిమితంగా తినడం అవసరం. ఆరోగ్యంగా ఉంటేనే ఏదైనా చేయగలుగుతామని ప్రతి ఒక్కరూ గుర్తు పెట్టుకోవాలి.. మితిమీరిన నూనెలు, మసాలాలున్న ఆహారం ఇంక్ ఫుడ్ కి సాధ్యమైనంత వరకు దూరంగా ఉండటం బెటర్. అలాగే లోఫ్యాట్, మెడిటరేనియన్, పాలియో, వీగన్ మొదలైన రైట్స్ అన్నింటిలో ఏది ఫాలో అవ్వాలి? అని అలోచించడం కంటే.. తాజా డైట్ తీసుకుంటే అసలు చిక్కే ఉండదు.
ఆరోగ్యంగా ఉండటానికి ఎన్ని దారులున్నాయో.. అన్ని రకాల ప్రణాళికలు కూడా ఉన్నాయి: అయితే వాటిలో పాటించేవి కొన్ని మాత్రమే. ఈ ఆరోగ్య ప్రణాళికలో భాగంగా లక్ష్యాన్ని పెట్టుకుంటే సరిపోదు దానిని సాధించడానికి చాలా కష్టపడాలి. కొంతమంది జిమ్ లో ఎక్సయిజ్ చేస్తే మంచిదని, ఇంకొందరు కడుపు మాడ్చుకుని కష్టపడితే తప్ప ఆరోగ్యాన్ని, ఫిట్ నెస్ కాపాడుకోలేమని అనుకుంటారు. నిజానికి ఇదంతా అవాస్తవం. అనుకున్నంత ఈజీగా ఆ రూల్స్ మేలు చేయవు. చాలామంది ఆరోగ్యం విషయంలో ఎన్నో నిర్ణయాలు తీసుకున్నా.. వాటిని ఆచరణలో పెట్టడానికి బద్దకిస్తుంటారు. డైల్ లైఫ్ భాగమైన నీరు, ఆహారం, నిద్ర వ్యాయామం లాంటివాటిపై శ్రద్ద తీసుకోవడం కూడా ఆరోగ్య ప్రణాళికలో భాగమే.
