- 8 గేట్లు ఎత్తిన అధికారులు
- మంచిరేవులకు రాకపోకలు బంద్
హైదరాబాద్సిటీ/ గండిపేట, వెలుగు: గ్రేటర్నగరానికి తాగునీటిని అందించే జంట జలాశయాలైన ఉస్మాన్సాగర్, హిమాయత్ సాగర్కు భారీ ఎత్తున వరద వచ్చి చేరుతోంది. శుక్రవారం ఉస్మాన్సాగర్కు వరద తాకిడి పెరగడంతో మెట్రోవాటర్బోర్డు అధికారులు 8 గేట్లను 3 అడుగుల మేర ఎత్తి దిగువకు వదిలారు. వరద ఉధృతి పెరగడంతో నార్సింగి నుంచి ఓఆర్ఆర్ సర్వీస్ రోడ్ పై నుంచి, మంచిరేవుల బ్రిడ్జి పైనుంచి వరద వెళ్తోంది. దీంతో రాకపోకలు స్తంభించి పోయాయి. దీంతో అధికారులు నార్సింగి వెళ్లే ఓఆర్ఆర్ సర్వీస్రూట్మూసివేశారు.
భారీ వరద కారణంగా మంచి రేవుల గ్రామానికి రాకపోకలకు తీవ్ర ఇబ్బంది ఏర్పడింది. మంచి రేవులకు వెళ్లే వారు దాదాపు 10 కి.మీ. తిరిగి పోలీస్అకాడమీ వైపు నుంచి వెళ్లాల్సి వస్తోంది. ప్రస్తుతం ఉస్మాన్సాగర్లోకి ఇన్ఫ్లో 800 క్యూసెక్కులు కాగా, ఔట్ ఫ్లో 2704 క్యూసెక్కులు ఉంది. అలాగే హిమాయత్సాగర్ కూడా ఫుల్ ట్యాంక్ చేరుకుంది. ఈ జలాశయం ఇన్ఫ్లో 500 క్యసెక్కులు కాగా, ఔట్ ఫ్లో 2300 క్యూసెక్కులగా ఉంది. ప్రస్తుతం హిమాయత్ సాగర్2 గేట్లను 3 అడుగుల మేర ఎత్తి దిగువ మూసీలోకి నీటిని వదులుతున్నారు.
