హైదరాబాద్, వెలుగు: రాష్ట్రంలో ఈ నెల 17 నుంచి 22 వరకూ సర్కారు స్కూళ్లను ఉన్నతాధికారులు తనిఖీలు చేయనున్నారు. బడుల సేఫ్ అండ్ క్లీన్, విద్యార్థుల శ్రేయస్సు, అభ్యసన సామర్థ్యాల పరిశీలన కోసం స్కూల్ ఎడ్యుకేషన్ అధికారులు స్పెషల్ క్యాంపెయిన్ 5.0 పేరుతో ప్రత్యేక అధికారులను నియమించారు. ఈ మేరకు స్కూల్ ఎడ్యుకేషన్ డైరెక్టర్ నవీన్ నికోలస్ ఉత్తర్వులు జారీచేశారు.
రంగారెడ్డి జిల్లాకు గురుకులాల సెక్రటరీ సీహెచ్ రమణకుమార్, హైదరాబాద్కు టాస్ డైరెక్టర్ పీవీ శ్రీహరి, మేడ్చల్ జిల్లాకు అడల్డ్ ఎడ్యుకేషన్ డైరెక్టర్ ఉషారాణి, యాదాద్రికి అడిషనల్ డైరెక్టర్ లింగయ్య, జనగామకు సైట్ డైరెక్టర్ విజయలక్ష్మీబాయి, ఖమ్మంకు మోడల్ స్కూల్స్ అడిషనల్ డైరెకర్ శ్రీనివాస్ చారి, సంగారెడ్డికి ఎస్సీఈఆర్టీ డైరెక్టర్ జి.రమేశ్, కరీంనగర్కు ఎస్ఎస్ఏ జేడీ రాజీవ్, సిద్దిపేటకు టాస్ జేడీ సోమిరెడ్డి, నిర్మల్ కు వరంగల్ ఆర్జేడీ సత్యనారాయణరెడ్డి, వరంగల్ కు జేడీ మదన్ మోహన్, గద్వాలకు హైదరాబాద్ ఆర్జేడీ విజయలక్ష్మీ, భద్రాద్రి జిల్లాకు ఎస్ఎస్ఏ జేడీ వెంకట నర్సమ్మ తదితరులను నియమించారు. ఇలా మొత్తం 33 జిల్లాలకు ఇన్ చార్జీలను అపాయింట్ చేశారు.
