అచ్చంపేట, వెలుగు: నాగర్కర్నూల్జిల్లా అచ్చంపేట సోషల్వెల్ఫేర్స్కూల్ ఇంటర్స్టూడెంట్లు స్కూల్పిల్లలను హాస్టల్రూమ్లో బంధించి చితకబాదారు. ఈ విషయం ఆలస్యంగా వెలుగులోకి వచ్చింది. ప్రిన్సిపల్కు చెప్పినా పట్టించుకోకపోవడంతో చిన్నారుల తల్లిదండ్రులు సోమవారం స్కూల్ముందు ఆందోళనకు దిగారు. ఇంటర్స్టూడెంట్లు పట్టుకుని కొడుతుంటే ప్రిన్సిపల్, టీచర్లు ఏం చేస్తున్నారని నిలదీశారు. ఈ సందర్భంగా కొంత వాగ్వాదం చోటుచేసుకుంది. బాధిత స్టూడెంట్లు మాట్లాడుతూ.. ఆరుగురు ఇంటర్సెకండ్ఇయర్ స్టూడెంట్లు శనివారం రాత్రి తమను కొట్టారని, ఆదివారం రాత్రి రూమ్లో బంధించి మరోసారి 20 మంది వాటర్పైపులతో చితకబాదారని వాపోయారు. రాత్రి10 గంటలకు రూమ్లో వేసి తెల్లవారుజామున 3.15కు విడిచి పెట్టారని, కొట్టిన విషయం ఎవరికైనా చెబితే అంతు చూస్తామని బెదిరించారని వాపోయారు.
తల్లిదండ్రులు మాట్లాడుతూ.. 6, 7, 8 తరగతుల పిల్లలను కొట్టిన సీనియర్లతోపాటు స్కూల్సిబ్బందిపై చర్యలు తీసుకోవాలని డిమాండ్ చేశారు. రెసిడెన్షియల్స్కూల్లో విధులు నిర్వహించాల్సిన టీచర్లు ఇంటర్ పిల్లలకు బాధ్యతలు అప్పజెప్పి బయటికి వెళ్తుండడంతోనే ఇలాంటి దాడులు జరుగుతున్నాయని ఆరోపించారు. ఈ విషయంపై ప్రిన్సిపల్ రాములును వివరణ కోరగా జూనియర్ కాలేజీ స్టూడెంట్లు స్కూల్పిల్లలపై దాడిచేసిన విషయం వాస్తవమేనని, తెలిసిన వెంటనే పిలిచి మందలించినట్లు తెలిపారు. బాధిత చిన్నారుల తల్లిదండ్రుల డిమాండ్ మేరకు టీసీలు ఇచ్చి పంపించేస్తామని చెప్పారు.
