తెలంగాణ 3 ట్రిలియన్ ఎకానమీ లక్ష్యంగా పనిచేస్తున్నట్లు చెప్పారు డిప్యూటీ సీఎం భట్టి విక్రమార్క. త్రీ ట్రిలియన్ ఎకానమీ కావాలంటే 2047 నాటికి తెలంగాణకు లక్షా 39 వేల మెగావాట్ల విద్యుత్ అవసరం ఉంటుందని తెలిపారు. శనివారం (నవంబర్ 29) ప్రజాభవన్ విద్యుత్ పై సమీక్ష నిర్వహించిన భట్టి.. పవర్ పాయింట్ ప్రజెంటేషన్ ద్వారా విద్యుత్ లెక్కలు వెల్లడించారు.
రాష్ట్రంలో ఇంధనం డిమాండ్ పై సమీక్ష నిర్వహించిన భట్టీ.. తెలంగాణను ప్రపంచ స్థాయి నగరాలతో అభివృద్ధి చేయాలనే లక్ష్యంతో పనిచేస్తున్నట్లు తెలిపారు. విద్యుత అవసరాలు తీర్చేందుకు ప్రణాళికలు సిద్ధం చేశామని చెప్పారు. తెలంగాణ త్రీ ట్రిలియన్ ఎకానమీ కావాలంటే.. అందుకు కవాల్సిన పెట్టుబడులకు విద్యుత్ కావాలని అన్నారు. ఉత్పత్తి రంగాలు అభివృద్ధి చెందితేనే ఎకానమీ ఆశించిన స్థాయిలో ఉంటుందన్నారు. డేటా సెంటర్లతో హైదరాబాద్ గ్లోబల్ హబ్ గా మారబోతోందని.. అందుకు కావాల్సిన విద్యుత్ ఉత్పత్తిపై దృష్టి సారించినట్లు చెప్పారు.
రాష్ట్రంలో పవర్ డిమాండ్ పదేళ్లుగా పెరుగుతోందన్న భట్టీ.. 2014 నుంచి 14.2 శాతం గ్రోత్ రేట్ తో పవర్ డిమాండ్ ఉన్నట్లు తెలిపారు. 2021 నుంచి 5.44 గ్రోత్ రేట్ తో ఉన్న డిమాండ్.. 2024 -25 నాటికి 9.4 శాతంగా ఉన్నట్లు తెలిపారు. ఇక2025 నుంచి 2034-, 35 వరకు 6.4 శాతం గ్రోత్ రేట్ ఉంటుందని తెలిపారు. ఓవరాల్ గా 8.50 శాతం ఉండబోతోందన్నారు.
2026 నాటికి24 వేల 766 మెగావాట్ల విద్యుత్ అందుబాటులో ఉంటుందని ఈ సందర్భంగా తెలిపారు. డేటా సెంటర్లు, మూసీ ప్రక్షాళన, ఫ్యూచర్ సిటీ, మెట్రో మొదలైన అభివృద్ధి పనులతో.. 2047 నాటికి లక్షా 39 వేల మెగావాట్ల విద్యుత్ అవసరం ఉంటుందన్నారు. అందులో 50 శాతం గ్రీన్ ఎనర్జీనే వాడాలని లక్ష్యంగా పెట్టుకున్నట్లు తెలిపారు.
