- రాజ్యసభలో కేంద్ర మంత్రి భారతీపవార్ వెల్లడి
న్యూఢిల్లీ, వెలుగు: తెలంగాణకు 1,63,96,460 కరోనా వ్యాక్సిన్ డోసులను ఉచితంగా అందించినట్లు కేంద్రం వెల్లడించింది. జులై 25 వరకు ఈ డోసులను రాష్ట్రానికి సప్లై చేసినట్లుగా కేంద్ర ఆరోగ్య శాఖ సహాయ మంత్రి భారతీ ప్రవీణ్పవార్ స్పష్టం చేశారు. ఇందులో 1,17,80,450 కొవిషీల్డ్, 46,16,010 కొవాగ్జిన్ డోసులు ఉన్నట్లు తెలిపారు. ఇక దేశవ్యాప్తంగా ఇప్పటివరకు 44.91 కోట్ల వ్యాక్సిన్ డోసులను రాష్ట్రాలకు ఉచితంగా అందించినట్లు వివరించారు. వ్యాక్సిన్ల సేకరణ, నిర్వహణతో కలిపి వ్యాక్సినేషన్ పోగ్రాంకు ఇప్పటివరకు రూ.9,725.15 కోట్లు ఖర్చు చేసినట్లు చెప్పారు. టీఆర్ఎస్ ఎంపీ కేఆర్ సురేశ్ రెడ్డి రాజ్యసభలో అడిగిన ప్రశ్నకు మంత్రి రాతపూర్వక సమాధానం ఇచ్చారు.
