సికింద్రాబాద్, వెలుగు: ఈజీగా డబ్బు సంపాదించేందుకు గంజాయి తరలిస్తుండగా ఇద్దరు మహిళలను వరంగల్ రైల్వే పోలీసులు అరెస్టు చేశారు. వారి వద్ద సుమారు 203 కిలోల 97 గంజాయి పొడి ప్యాకెట్లను స్వాధీనం చేసుకోగా, దాని విలువ రూ.50.85లక్షలు ఉంటుంది. రైల్వే పోలీసులు తెలిపిన ప్రకారం.. గురువారం నవజీవన్ఎక్స్ప్రెస్వెళ్తుండగా మహబూబాబాద్ లో వరంగల్ రైల్వే పోలీసులు తనిఖీలు చేపట్టారు. జనరల్బోగీలో ఇద్దరు మహిళల సీట్ల కింద ప్లాస్టిక్బ్యాగులు కనిపించగా చెక్ చేశారు. వాటిని విప్పి చూడగా 97 ప్యాకెట్లలో గంజాయి పొడి దొరికింది. మహిళలను అదుపులోకి తీసుకుని విచారించగా మహారాష్ట్రలోని జల్గావ్జిల్లా యావల్కు చెందిన చందాబాయి భీమా బెల్డర్(62), ఉషా దిలీప్చౌహాన్(43)గా చెప్పారు.
వైజాగ్ కు చెందిన రామ్నాథ్అనే వ్యక్తి పరిచయమై.. విజయవాడ నుంచి జల్గావ్కు గంజాయి తరలిస్తే రూ.10వేల చొప్పున ఇస్తామని చెప్పగా తీసుకెళ్తున్నామని చెప్పారు. విజయవాడలో ఓ అజ్ఞాత వ్యక్తి వచ్చి నవజీవన్ఎక్స్ప్రెస్టికెట్లు కొని ఎక్కించాడని, సీట్ల కింద ప్లాస్టిక్బ్యాగుల్లో గంజాయి ఉందని చెప్పి వెళ్లిపోయాడని మహిళలు రైల్వే పోలీసులకు చెప్పారు. ఈ తనిఖీల్లో వరంగల్ఆర్పీఎఫ్, జీఆర్పీ పోలీసులు షేక్ సుభాని, రాజు,ఎం. గురువయ్య, లలిత, పి. రాజు, భాస్కర్, రామారావు, రవీందర్రెడ్డి పాల్గొన్నారు.
