పంజాగుట్ట, వెలుగు : బేగంపేటలోని మహాత్మా జ్యోతిరావుఫూలే ప్రజాభవన్లో మంగళవారం నిర్వహించిన ప్రజావాణికి ప్రజలు పెద్ద సంఖ్యలో తరలివచ్చి అధికారులకు ఫిర్యాదులు అందజేశారు. ముఖ్యంగా డబుల్బెడ్రూమ్ ఇండ్లు, భూములు కబ్జాకు గురయ్యాయని గత సర్కార్లో తమను అన్యాయంగా విధుల నుంచి తొలగించారని తిరిగి విధుల్లోకి తీసుకోవాలని కోరుతూ బాధితులు నోడల్అధికారి దివ్యను కలిసి సమస్యలను వివరించారు.
ఇందులో భాగంగా సుమారు 3 00 మంది హోంగార్డులను గత ప్రభుత్వం తొలగించిందని తిరిగి విధుల్లోకి తీసుకుని ఆదుకోవాలని మాజీ హోంగార్డులు కోరారు. కోర్టుకు వెళితే తిరిగి తీసుకోవాలని హైకోర్టు ఉత్తర్వులు ఇచ్చిందని హైదరాబాద్ సిటీ హోంగార్డ్స్ యూనియన్ పేర్కొంది. ప్రజావాణికి మొత్తం 2,192 ఫిర్యాదులు వచ్చినట్లు అధికారులు చెప్పారు. భారీగా వస్తున్న ఫిర్యాదులను పరిగణలోకి తీసుకున్న నోడల్ అధికారి మరో 10 కౌంటర్లను అదనంగా ఏర్పాటు చేశారు.
ALSO READ: మార్కెట్‌‌లోకి హెచ్‌‌పీ స్పెక్టర్‌ ఎక్స్‌ 360
