ఆదిలాబాద్ టౌన్, వెలుగు: ఆదిలాబాద్పట్టణం అంబేద్కర్ చౌక్వద్ద ఉన్న బావర్చి రెస్టారెంట్కు ఫుడ్ సేఫ్టీ అధికారులు రూ.25 వేల జరిమానా విధించారు. రెస్టారెంట్ యాజమాన్యం శానిటేషన్, ఫుడ్ విషయంలో నాణ్యతా ప్రమాణాలు పాటించడం లేదనే ఫిర్యాదుతో రెస్టారెంట్లో మంగళవారం తనిఖీలు నిర్వహించినట్లు జిల్లా ఫుడ్ సేఫ్టీ అధికారి డా.శ్రీధర్తెలిపారు.
మున్సిపల్ అధికారులతో కలిసి రెస్టారెంట్లోని కిచెన్ సెక్షన్ను, పలు రికార్డులను తనిఖీ చేశారు. శానిటేషన్ విషయంలో నాణ్యతా ప్రమాణాలను పాటించకపోవడం పట్ల జరిమానా విధించామన్నారు. నాలుగు రకాల ఆహార శాంపుల్స్ని హైదరాబాద్కు టెస్టుకు పంపించినట్లు తెలిపారు. ఆ టెస్ట్ ఫలితాలు రాగానే శాఖా పరమైన చర్యలు తీసుకోనున్నట్లు చెప్పారు. తనిఖీల్లో సానిటరీ ఇన్స్పెక్టర్ నరేందర్, అధికారులు ఉన్నారు.
