- గత ప్రభుత్వ పెద్దల ఆదేశాలతో కదిలిన ఫైళ్లు
- 2005లో హైదరాబాద్లోని కొండాపూర్లో సత్యసాయిబాబా ట్రస్టుకు 42 ఎకరాలు రెగ్యులరైజ్
- ట్రస్టు నుంచి భూపతి అసోసియేట్స్కు, అటు నుంచి నూజివీడు సీడ్స్
- ప్రభాకర్ రావు చేతికి భూమి
- ఎండోమెంట్, యూఎల్ సీ చట్టాలను తుంగలోతొక్కి రెగ్యులరైజేషన్
- గత జీవోలను సవరిస్తూ ఎన్నికల ఏడాదిలో అక్రమంగా కొత్త జీవోలు
- ఇంటర్నల్ ఎంక్వైరీ చేస్తున్న ప్రభుత్వం
హైదరాబాద్, వెలుగు: హైదరాబాద్లో మంచి డిమాండ్ ఉన్న ఏరియాలో ప్రభుత్వానికి చెందాల్సిన భూమిని కొందరు అక్రమార్కులు దొడ్డిదారిన తమ పేరు మీద రాయించుకున్నారు. ఈ వ్యవహారానికి కొందరు అధికారులు సహకరించారు. దీంతో ప్రభుత్వానికి చెందాల్సిన 42 ఎకరాల భూమి.. ప్రైవేటు వ్యక్తుల చేతుల్లోకి పోయింది. కొండాపూర్లో ఉన్న ఈ భూమి విలువ రూ.3 వేల కోట్లపైనే ఉంటుంది. అక్రమార్కులకు భూమిని కట్టబెట్టేందుకు అధికారులు ఎండోమెంట్, అర్బన్ ల్యాండ్ సీలింగ్ (యూఎల్ సీ) చట్టాలను తుంగలోతొక్కారు. అంతకుముందు ఇచ్చిన జీవోలను సవరించి, కొత్త జీవోలు ఇచ్చారు.
ఎన్నికల ఏడాదిలో జరిగిన ఈ తతంగంపై కొత్త ప్రభుత్వం దృష్టి పెట్టింది. సర్కార్ కు చెందాల్సిన భూమిని ఇతరుల పేరు మీదకు ఎలా మళ్లించారనే దానిపై ఇంటర్నల్ ఎంక్వైరీ ప్రారంభించింది. అప్పటి ప్రభుత్వ పెద్దల ఆదేశాలతోనే ఈ ఫైళ్లు కదిలినట్టు ఆరోపణలు ఉన్నాయి.
ఇదీ భూమి కథ..
హైదరాబాద్ కొండాపూర్లోని 104/1, 104/2, 105,106,107,108 సర్వే నంబర్లలోని 85.32 ఎకరాల భూమికి వేగే వీరయ్య, వేగే నాగభూషణం, వేగే భాస్కరరావు యజమానులు. వీరంతా వేగే సీతరామయ్య వారసులు. వీళ్లు ఈ మొత్తం భూమిని మాదాల తిమ్మయ్యకు జీపీఏ ద్వారా 1998లో భగవాన్శ్రీ సత్యసాయిబాబా సెంట్రల్ ట్రస్టుకు విక్రయించారు. అదే భూమిని ట్రస్టు వాళ్లు 2000 సంవత్సరంలో అగ్రిమెంట్ ఆఫ్ సేల్ కమ్ జీపీఏతో ఆరు రిజిస్టర్డ్డాక్యుమెంట్స్ద్వారా మెసర్స్భూపతి అసోసియేట్స్కు అమ్మారు. 2002లో భూపతి అసోసియేట్స్, సాయిబాబా ట్రస్ట్సంయుక్తగా నూజివీడు సీడ్స్ కంపెనీకి చెందిన వ్యక్తితో సేల్ అగ్రిమెంట్ చేసుకుని ఎంఓయూ రాసుకున్నాయి. అయితే ఈ వ్యవహారమంతా అర్బన్ ల్యాండ్ సీలింగ్ విభాగం అనుమతి లేకుండానే జరిగింది. యూఎల్ సీ యాక్ట్ ప్రకారం.. ఆ విభాగం అనుమతి లేకుండా జరిపే భూముల అమ్మకాలు చెల్లవు. దీంతో 2005లో యూఎల్సీ స్పెషల్ఆఫీసర్ దీనిపై ఎంక్వైరీ చేసి ఆ డాక్యుమెంట్లను రద్దు చేశారు. చట్ట ప్రకారం రిటైనబుల్ ల్యాండ్కింద భూముల హక్కుదారులకు ఒక్కొక్కరికి 5.10 ఎకరాల చొప్పున ముగ్గురికి 15.30 ఎకరాలు ఇచ్చి, మిగిలిన 70 ఎకరాలు మిగులు భూమిగా ప్రకటించారు.
గైడ్ లైన్స్ ప్రకారం భూపతి అసోసియేట్స్.. మిగులు భూమి నుంచి భూకేటాయింపుల కోసం యూఎల్సీకి దరఖాస్తు పెట్టుకుంటే 3వేల చదరపు మీటర్లు మాత్రమే వస్తుంది. మిగిలిన 69.10 ఎకరాలు ప్రభుత్వానికి వెళ్తుంది. అయితే ఎక్కువ భూమిని కొట్టేసేందుకు భూపతి అండ్ అసోసియేట్స్, సాయిబాబా ట్రస్ట్ కుమ్మక్కయ్యాయి. ట్రస్ట్ కింద మిగులు భూమి కొట్టేసేందుకు చట్టాన్నే దుర్వినియోగం చేశాయి. తాము కొనుగోలు చేసిన భూమిని రెగ్యులరైజ్ చేయాలని 2005లో బాల సాయిబాబా ట్రస్ట్ అర్జీ పెట్టుకుంది. దీనిపై ఎంక్వైరీ చేసి... ట్రస్ట్కు ఇవ్వాల్సిన నిబంధనల ప్రకారం రూ.6.56 కోట్లకు 69.10 ఎకరాల్లో 42.03 ఎకరాలను రెగ్యులరైజ్చేస్తూ జీవో ఇచ్చారు. మిగిలిన 28 ఎకరాల భూమిని ప్రభుత్వం స్వాధీనం చేసుకున్నది. ఎవరికెంత స్థలం అనే దానిపై డిటైల్ ప్లాన్ను రూపొందించి ఆమోదించింది.
ప్రభాకర్ రావు ఎంట్రీతో మారిన సీన్..
నిజానికి ఎండోమెంట్యాక్ట్ ప్రకారం ధార్మిక సంస్థల భూములు అమ్మడానికి వీల్లేదు. అయితే తాము రెగ్యులరైజ్ చేయించుకున్న 42.03 ఎకరాలను అమ్మేందుకు అనుమతి ఇవ్వాలని సాయిబాబా ట్రస్ట్అర్జీ పెట్టుకోగా, దాన్ని అప్పటి ప్రభుత్వం 2006లో రిజెక్ట్ చేసింది. ఈ క్రమంలోనే మెసర్స్ భూపతి అసోసియేట్స్ను నూజివీడు సీడ్స్ కంపెనీకి చెందిన మండవ ప్రభాకర్రావు టేకోవర్చేశారు. ఇక్కడే అసలు కథ మొదలైంది. భూపతి అసోసియేట్స్ తరఫున ఎంటర్ అయిన ఆయన.. సాయిబాబా ట్రస్టుకు ప్రభుత్వం రెగ్యులరైజ్చేసిన భూమి అక్రమమని, ఆ భూమిని 2000 సంవత్సరంలోనే రిజిస్టర్డ్ డాక్యుమెంట్స్తో తాము కొనుగోలు చేశామని, పొజిషన్లో ఉన్నామని అప్పటి సీసీఎల్కు 2008లో అర్జీ పెట్టుకున్నారు. అయితే అదీ మూలకు పడింది. తర్వాత 2020లో మరోసారి అర్జీ పెట్టుకున్నారు. వెంటనే అప్పటి సంబంధిత జిల్లా కలెక్టర్కు ఆనాటి సీసీఎల్ఏలెటర్రాశారు.
ఈ వ్యవహారంపై ఆదేశాలు ఇచ్చేందుకు నివేదిక పంపాలని అప్పటి సీసీఎల్ఏ, మాజీ సీఎస్ 2022లో యూఎల్ సీకి లెటర్రాశారు. ఆ తర్వాత ఆయన విధుల నుంచి పక్కకు వెళ్లగా.. కొత్తగా వచ్చిన సీసీఎల్ఏ తగిన యాక్షన్ తీసుకోవాలని అప్పటి రంగారెడ్డి జిల్లా కలెక్టర్ను 2023లో ఆదేశించారు. కలెక్టర్ ఇచ్చిన రికమెండేషన్స్ ఆధారంగా.. అదే ఏడాది మే నెలలో సాయిబాబా ట్రస్ట్కు రెగ్యులరైజ్చేసిన 42.03 ఎకరాల భూమిని భూపతి అసోసియేట్స్కు రెగ్యులరైజ్చేస్తూ సీసీఎల్ఏ ఉత్తర్వులు ఇచ్చారు. ఈ మేరకు 2005లో ఇచ్చిన జీవోను సవరిస్తూ మరో ఉత్తర్వు జారీ చేశారు. దీంతో భూముల స్కెచ్లు కూడా మారిపోయాయి. అసలు హక్కుదారులకు చెందాల్సిన 15.30 ఎకరాల భూమి మూడు చోట్ల ఉన్నట్టు ప్లాన్మార్చేశారు. వారి సొంత భూముల్లోకి వెళ్లకుండా అడ్డుకుంటున్నారు. దీనిపై ప్రభుత్వానికి కంప్లయింట్ అందడంతో ఈ వ్యవహారమంతా బయటపడింది.
