- బీఆర్ఎస్కు చెందిన ఓ దళారికి ఇచ్చినట్లు సమాచారం
జైపూర్(భీమారం), వెలుగు: భీమారం మండలం దాంపూర్ లోని ఐకేపీ ధాన్యం కొనుగోలు సెంటర్ నిర్వాహకులు దళారులతో కుమ్మక్కైనట్లు తెలుస్తోంది. సెంటర్లోని 3 వేల గన్నీ బ్యాగులు మాయమైనట్లు సమాచారం. పోతనపల్లి గ్రామంలోని బీఆర్ఎస్ పార్టీకి చెందిన దళారితో సెంటర్ నిర్వాహకులు కుమ్మక్కై.. మరో చోట ధాన్యం కొనుగోలు చేసేందుకు గన్నీ బ్యాగులు అక్కడికి సప్లై చేసినట్లు తెలిసింది.
ఆ గన్నీ బ్యాగుల విలువ సుమారు రూ.లక్ష పైగా ఉంటుంది. ఈ విషయంపై మంచిర్యాల సివిల్ సప్లై డీఎం గోపాల్ ను వివరణ కోరగా.. వరి ధాన్యం అమ్మేందుకు గన్నీ బ్యాగులు తీసుకున్నవారి వివరాలు సివిల్ సప్లై ఆఫీస్లో నమోదు చేసుకొని ఇస్తున్నామని చెప్పారు. గన్నీ బ్యాగుల్లో అవకతవకలు జరిగితే బాధ్యులపై చర్యలు తీసుకుంటామని పేర్కొన్నారు.
