- నెలకు 160 లీటర్ల డీజిల్, డ్రైవర్ మెయింటనెన్స్ అంటూ అలవెన్స్డ్రా
- కాగజ్నగర్డివిజన్లో ఫారెస్ట్ ఆఫీసర్ల మాయ
- ‘పులి వేట’ సాకుతో ప్రభుత్వ సొమ్ము జేబులోకి...
కాగజ్ నగర్ వెలుగు: ఆసిఫాబాద్ జిల్లా కాగజ్ నగర్ డివిజన్లో ఫారెస్ట్ ఆఫీసర్లు మూలకు పడిన జీప్ కు ఇప్పటికీ అలవెన్స్ డ్రా చేస్తున్నారు. డివిజన్లో ఐదు రేంజ్లు ఉండగా..రేంజ్ కి ఒకటి చొప్పున రేంజర్లకు జీప్లను అటవీ శాఖ కేటాయించింది. వీటితో పాటు డివిజన్లో ర్యాపిడ్ రెస్క్యూ టీమ్, స్ట్రైక్ ఫోర్స్ కోసం ఇంకో జీప్ కేటాయించింది. ఇందులో కాగజ్ నగర్ రేంజ్ లో ఆర్అర్ టీ (ర్యాపిడ్ రెస్క్యూ టీమ్) వాహనం (ఏపీ 01 ఎస్ 8281) 6 నెలలుగా మూలకు పడి నడవట్లేదు. దీన్ని వంజిరి దగ్గరున్న ఫారెస్ట్ చెక్ పోస్ట్ దగ్గర పెట్టారు.
అయితే, మూడు నెలలుగా ఈ జీప్ నడుస్తున్నట్లు రేంజ్ అధికారులు బిల్లులు పెడుతూ అలవెన్సులు డ్రా చేస్తున్నారు. ప్రొవిజన్ ప్రకారం నెలకు160 లీటర్ల డీజిల్, డ్రైవర్ జీతం రూ.9500 , మెయింటెనెన్స్ రూ.1600 డ్రా చేస్తున్నారు. గత జనవరిలో కాగజ్ నగర్ ఫారెస్ట్ రేంజ్లో రెండు పులులు చనిపోయిన విషయం తెలిసిందే. ఆ సమయంలో అదనపు సిబ్బందితో గాలింపు చర్యలు చేపట్టారు.
ఇదే అదునుగా రేంజ్ అధికారులు మూలకు పడ్డ జీప్కు కూడా నెలకు రూ.30 వేల చొప్పున.. ఫిబ్రవరి నుంచి ఏప్రిల్ వరకు రూ.90 వేలు డ్రా చేశారు. పులుల మృతి తర్వాత కాగజ్నగర్ డివిజన్కు జిల్లా ఫారెస్ట్ ఆఫీసర్ నీరజ్ కుమార్ టిబ్రేవాల్ ఇన్ చార్జీగా ఉన్న టైంలో ఈ తతంగం జరిగింది. దీనిపై కాగజ్ నగర్ ఇన్చార్జి ఎఫ్ డీవో అప్పల కొండను వివరణ కోరేందుకు ప్రయత్నించగా స్పందించలేదు. డివిజన్ ఆఫీస్ సూపరింటెండెంట్ కీర్తిపాల్ ను అడగ్గా తనకి తెలియదని, బిల్లుల సంగతి డీఎం చూస్తారని, అందుబాటులో లేరని చెప్పారు.
