నిజామాబాద్ లో 750 సీట్స్ తో ఐటీ టవర్ ఏర్పాటు కాబోతుందని ఎమ్మెల్సీ కవిత తెలిపారు. ఇందులో భాగంగా వంద సీట్లు కేటాయించామన్నారు. నిరుద్యోగులకు శిక్షణతో పాటు ఉద్యోగాలు ఇవ్వనున్నట్లు ఆమె చెప్పారు. 10 వతరగతి నుంచి పీజీ వరకు చదివిన వారికి ఇందులో ఉద్యోగాలు కల్పించనున్నామని వెల్లడించారు.
5వందలకుపైగా కంపెనీలు TASK తో అనుసంధానం అయ్యాయని ప్రకటించారు. టాస్క్ లో రిజిస్టేషన్ చేసుకునే వారికి ప్రతినెల జాబ్ మేళా నిర్వహిస్తారని ఆమె తెలిపారు. ఆగస్టు 29న మెగా జాబ్ మేళా నిర్వహించనున్నామని ఎమ్మెల్సీ కవిత పేర్కొన్నారు. వికలాంగులకు 5 శాతం రిజర్వేషన్ ఉంటుందని తెలిపారు. నిజామాబాద్ లో 2023 ఆగస్టు 9న బుధవారం ప్రారంభం కాబోతున్న ఐటీ టవర్ ను ఎమ్మెల్సీ కవిత సందర్శించారు.
రాష్ట్ర ప్రభుత్వం నిజామాబాద్లో నిర్మిస్తున్న ఐటీ టవర్ ప్రారంభోత్సవానికి సిద్ధమైంది. టవర్ ఆధునిక వాస్తుశిల్పం, విశాలమైన గదులను కలిగి ఉంది. కంపెనీలకు కార్పొరేట్ ప్రధాన కార్యాలయంగా ఈ ఐటీ టవర్ ఉపయోగపడుతుంది. ఐటీ టవర్ ప్రారంభోత్సవం 2023 ఆగస్టు 9న బుధవారం ప్రారంభం కాబోతుంది.
నగరంలోని గిరిరాజ్ ప్రభుత్వ డిగ్రీ కళాశాల సమీపంలో, బైపాస్ రోడ్డుకు ఆనుకుని 3.5 ఎకరాల క్యాంపస్‌లో ఐటీ టవర్ ఉంది. 49,460 చదరపు అడుగుల విస్తీర్ణంలో ఉన్న ఈ టవర్‌ను రూ. 50 కోట్ల పెట్టుబడితో నిర్మించారు. టవర్ ఒక ఎకరం స్థలంలో నిర్మించబడింది, భవిష్యత్తులో సంభావ్య విస్తరణ కోసం అదనంగా 2.5 ఎకరాల భూమిని వదిలివేసింది. ఈ మిగులు స్థలం పార్కింగ్, లాన్‌లు, ఇతర ప్రయోజనాల కోసం ఉపయోగించబడుతుంది.
