7 లక్షల టెస్ట్ కిట్లు కావాలె
దేశంలో ప్రస్తుత పరిస్థితుల రీత్యా కొవిడ్-19 టెస్టులు చేసేందుకు దాదాపు 7 లక్షల టెస్ట్ కిట్లు అవసరం ఉందని ఇండియన్ కౌన్సిల్ ఆఫ్ మెడికల్ రీసెర్చ్ (ఐసీఎంఆర్) అంచనా వేసింది. ఇప్పటివరకూ విదేశాల నుంచి టెస్ట్ కిట్లు దిగుమతి చేసుకుంటుండగా, లాక్డౌన్ల కారణంగా అవి ఆగిపోయాయి. ఈ నేపథ్యంలో దేశంలోనే పెద్ద ఎత్తున టెస్ట్ కిట్లను తయారు చేయాలని ఐసీఎంఆర్ నిర్ణయించింది. అందులో భాగంగా వాటిని తయారు చేసేందుకు కొటేషన్లు పంపాలంటూ కంపెనీలను ఆహ్వానించింది. యూఎస్ఎఫ్డీఏ-ఈయూఏ/ సీఈ-ఐవీడీ/ ఐసీఎంఆర్-ఎన్ఐవీ పుణే ఆమోదించిన ఆర్ఎన్ఏ ఎక్స్ట్రాక్షన్ కిట్ లను దేశంలో తయారు చేసి, సరఫరా చేసే కంపెనీలు అర్జెంటుగా ముందుకు రావాలని, శుక్రవారం (27వ తేదీ) మధ్యాహ్నం 2.30లోగా కొటేషన్లు పంపాలని కోరింది. అవసరమైతే, ఒకే కాంట్రాక్టును ఎక్కువ కంపెనీలకు ఇవ్వాలని కూడా ఐసీఎంఆర్ యోచిస్తోంది. కరోనా మేనేజ్ మెంట్ ప్రొటోకాల్ను తయారు చేసేందుకు ఎయిమ్స్ టాస్క్ ఫోర్స్ ను ఏర్పాటు చేసింది. ప్రస్తుత సమస్యలు, మున్ముందు రానున్న సవాళ్లను ఎదుర్కోవడంపై రిసోర్స్ మేనేజ్ మెంట్, హ్యూమన్ రిసోర్స్, డయాగ్నస్టిక్ మేనేజ్ మెంట్, మెడికల్ మేనేజ్ మెంట్ కమిటీలను వేసింది.
టెలిమెడిసిన్కు గైడ్లైన్స్
కరోనా ట్రీట్మెంట్కు దేశవ్యాప్తంగా టెలీమెడిసిన్ను కూడా అందుబాటులోకి తేవాలని కేంద్ర ఆరోగ్య శాఖ నిర్ణయించింది. బుధవారం గైడ్లైన్స్ విడుదల చేసింది. హాస్పిటళ్లకు ఎక్కువ మంది పేషెంట్లు వస్తే.. వారికి ట్రీట్ మెంట్ అందించడం కష్టమవుతుందని, డాక్టర్లు, నర్సులు, సౌకర్యాలు సరిపోక ఇబ్బందులు రావచ్చని, అటు డాక్టర్లకు, ఇటు పేషెంట్లకు కూడా ఇన్ఫెక్షన్ల ముప్పు పెరుగుతుందని భావించిన కేంద్రం, టెక్నాలజీని ఉపయోగించుకుని టెలీమెడిసిన్ ట్రీట్ మెంట్ ప్రారంభించాలని సూచించింది. దీనివల్ల హాస్పిటళ్లు, డాక్టర్లపై ఒత్తిడి తగ్గుతుందని, డాక్టర్లకు, పేషెంట్లకు ఇన్ఫెక్షన్ల ముప్పు కూడా తగ్గుతుందని తెలిపింది. ఎక్కడికక్కడ టెలీమెడిసిన్కు ఏర్పాట్లు చేయాలని ఆదేశించింది. వైద్య ప్రమాణాలను, ప్రొటోకాల్స్ను పాటిస్తూనే, వాయిస్, డేటా, ఇమేజెస్ ట్రాన్స్మిషన్ ద్వారా టెలీమెడిసిన్ నిర్వహించాలని పేర్కొంది. ప్రస్తుత పరిస్థితుల్లో మారుమూల ప్రాంతాల పేషెంట్లు హాస్పిటళ్లకు రావల్సిన అవసరం లేకుండా, ఇంటి దగ్గరి నుంచే గైడెన్స్, ట్రీట్మెంట్ పొందేందుకు, ప్రిస్క్రిప్షన్స్ కూడా అందుకుని మందులు వాడేందుకు, కరోనా వైరస్ వ్యాప్తిని అడ్డుకునేందుకూ టెలీమెడిసిన్ బాగా ఉపయోగపడుతుందని కేంద్రం వివరించింది.
For More News..
ఆన్లైన్లో కరోనా ట్రీట్మెంట్
