నిజామాబాద్ క్రైమ్, వెలుగు: న్యూ ఇయర్వేడుకల సందర్భంగా నిజామాబాద్, ఆర్మూర్, బోధన్ డివిజన్ పరిధిలో 79 మందిపై డ్రంక్ అండ్ డ్రైవ్ కేసులు నమోదు చేసినట్లు డీసీపీ జయరాం తెలిపారు. నిజామాబాద్ జిల్లా వ్యాప్తంగా మొత్తం 750 మంది పోలీసులు విధులు నిర్వహించినట్లు చెప్పారు. బందోబస్తులో అడిషనల్ డిప్యూటీ కమిషనర్, ముగ్గురు ఏసీపీలు, 10 మంది సీఐలు, 32 మంది ఎస్ఐలు 32 పాల్గొన్నారన్నారు. శాంతియుత వాతావరణంలో సెలబ్రేషన్స్ జరిగినట్లు చెప్పారు.
