న్యూఢిల్లీ: స్విమ్మింగ్‌‌ను ఇష్టపడని వారు ఉంటారా చెప్పండి. ఉరుకుల పరుగుల జీవితంలో ఫిట్‌నెస్‌‌ను పెంచుకోవడంతోపాటు హాయిగా సేద తీరాలంటే ఈత కొలనులో దిగాల్సిందే మరి. కొందరు ఫ్రెండ్స్, ఫ్యామిలీతో కలసి పూల్‌‌లో సరదాగా గేమ్స్ ఆడుతూ ఈదుతుంటారు. కానీ ఇక్కడ ఓ అమ్మాయి ఎంచుకున్న స్విమ్మింగ్ పార్ట్‌‌నర్‌ గురించి తెలిస్తే షాకవ్వాల్సిందే. ఇజ్రాయెల్‌‌కు చెందిన ఇన్బార్ అనే ఓ ఎనిమిదేళ్ల బాలిక ఏకంగా 11 ఫీట్ల భారీ పైతాన్‌‌తో కలసి ఈత కొడుతుండటం ఆశ్చర్యాన్ని కలిగిస్తోంది. అవును మీరు చదివింది నిజమే.
An eight-year-old Israeli girl’s favorite swimming buddy is her 11-foot yellow pet python called Belle https://t.co/XEsjdPQGam pic.twitter.com/V2IUna7T2F
— Reuters (@Reuters) October 8, 2020
బెల్లే అనే పైతాన్‌‌తో కలసి ఈత కొట్టడాన్ని సదరు బాలిక ఎంజాయ్ చేస్తుండటం విశేషం. వాల్డ్ డిస్నీ పాపులర్ సిరీస్ అయిన బ్యూటీ అండ్ ది బీస్ట్ స్ఫూర్తితో ఆ పైతాన్‌‌కు బెల్లే అని పేరు పెట్టారట. ఇన్బార్ తల్లిదండ్రులు సౌతర్న్ ఇజ్రాయెల్‌‌లోని ఒక జంతువుల అభయారణ్యంలో ఉంటారని సమాచారం. ఇన్బార్ చిన్నప్పటి నుంచి యానిమల్స్ సాంక్చురీలో పెరగడంతో తనకు జంతువులతో మంచి సాన్నిహిత్యం ఏర్పడింది. బెల్లే తాము పెంచుకున్న ఓ పెట్ యానిమల్ అని ఇన్బార్ పేరెంట్స్ చెప్పారు. కరోనా కారణంగా స్కూళ్లు మూతబడటంతో బెల్లేతో ఇన్బార్‌‌కు మంచి ఫ్రెండ్‌‌షిప్ ఏర్పడిందని పేర్కొన్నారు.
