- పంచాయతీ ఎన్నికల్లో జనరల్ స్థానాల్లో పోటీకి అవకాశం కల్పిస్తం: పీసీసీ చీఫ్ మహేశ్ గౌడ్
- బీసీ సంఘాలు గాంధీ భవన్ ముందు కాదు.. బీజేపీ నేతల ఇండ్ల ముందు ధర్నా చేయాలి
- బీసీలకు 42 శాతం రిజర్వేషన్లపై మా పోరాటం ఆగదు
- దీక్షా దివస్ పేరుతో సెంటిమెంట్‌‌‌‌‌‌‌‌‌‌‌‌‌‌‌‌ను రగిల్చేందుకు బీఆర్ఎస్ యత్నం
- కేసీఆర్ దీక్ష పచ్చి బూటకం, నిమ్స్‌‌‌‌‌‌‌‌‌‌‌‌‌‌‌‌లో ఫ్లూయిడ్స్ తీసుకున్నరని ఆరోపణ
హైదరాబాద్, వెలుగు: పంచాయతీ ఎన్నికల్లో జనరల్ సీట్లలో 80 శాతం బీసీలకే పోటీ చేసే అవకాశం కల్పిస్తున్నట్లు పీసీసీ చీఫ్ మహేశ్ గౌడ్ తెలిపారు. ఈ విషయంపై సీఎం రేవంత్ రెడ్డితో ఇప్పటివకే మాట్లాడానని చెప్పారు. బీసీకి రిజర్వ్ కాలేదని ఆందోళన చెందాల్సిన అవసరం లేదని, జనరల్ స్థానాల్లో బీసీలు పోటీ చేసేందుకు పార్టీ అవకాశం కల్పిస్తుందని చెప్పారు.
శుక్రవారం గాంధీ భవన్‌‌‌‌‌‌‌‌‌‌‌‌‌‌‌‌లో మీడియాతో ఆయన మాట్లాడారు. బీసీలకు 42 శాతం రిజర్వేషన్ల అమలు కోసం తమ ప్రభుత్వం చిత్తశుద్ధితో కృషి చేస్తుందని, పంచాయతీ ఎన్నికలతోనే ఈ అంశం అటకెక్కిందనే అనుమానాలు అవసరం లేదన్నారు. రాబోయే ఎంపీటీసీ, జడ్పీటీసీ ఎన్నికల్లో 42 శాతం రిజర్వేషన్లు అమలయ్యేలా పార్టీ, ప్రభుత్వం తరఫున పోరాటం కొనసాగిస్తామని, దీనిపై కోర్టు తీర్పును పరిగణనలోకి తీసుకుంటామని చెప్పారు.
బీసీల కోసం పనిచేస్తున్న తమపైనే బీసీ సంఘాలు విమర్శలు చేయడం, గాంధీ భవన్ వద్ద ధర్నాలు చేయడం తగదన్నారు. బీసీ బిల్లును పాస్ కాకుండా ఆపుతున్న బీజేపీ నేతల ఇండ్లకు వెళ్లి, వారిని నిలదీయాలని సూచించారు.
దీక్షా దివాస్ పేరుతో సెంటిమెంట్‌‌‌‌‌‌‌‌‌‌‌‌‌‌‌‌ను రగిల్చే ప్రయత్నం..
దీక్షా దివాస్ పేరుతో బీఆర్ఎస్ నేతలు సెంటిమెంట్‌‌‌‌‌‌‌‌‌‌‌‌‌‌‌‌ను రగిల్చే ప్రయత్నం చేస్తున్నారని మహేశ్ గౌడ్ ఆరోపించారు. పార్టీ ఉనికిని కాపాడుకునేందుకు 2009లో ముగిసిన దీక్షను ఇప్పుడు తెరపైకి తెస్తున్నారని విమర్శించారు. రాష్ట్రం కోసం దీక్ష చేస్తున్నానని చెప్పిన కేసీఆర్.. నిమ్స్‌‌‌‌‌‌‌‌‌‌‌‌‌‌‌‌లో ఫ్లూయిడ్స్ తీసుకున్నారని, దీనికి సంబంధించిన ఆధారాలు తన వద్ద ఉన్నాయని తెలిపారు.
వీటిని కేటీఆర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌కు పంపిస్తున్నానన్నారు. కేసీఆర్ దీక్ష పచ్చి బూటకం అని, ఆయన దీక్ష వల్ల తెలంగాణ రాలేదన్నారు. నిజమైన దీక్షకు మయన్మార్ ఐరన్ లేడీ ఇరోమ్ షర్మిలా 16 ఏండ్ల నిరాహార దీక్షే ఉదాహరణ అని పేర్కొన్నారు. బీఆర్ఎస్ నేతలకు ఏ మాత్రం చిత్తశుద్ధి ఉన్నా దీక్షా దివాస్ పేరుతో సోనియా గాంధీ చిత్ర పటాలకు పాలభిషేకాలు చేయాలని, తెలంగాణ కోసం ఆత్మార్పణం అయిన బీసీ, ఎస్సీ, ఎస్టీ విద్యార్థుల చిత్ర పటాలతో దీక్షా దివాస్ నిర్వహించాలన్నారు.
ఉద్యమ సమయంలో విద్యార్థులు, యువత ఎంతో మంది ఆత్మార్పణం చేసుకుంటే.. ఒంటిపై కిరోసిన్ పోసుకున్న హరీశ్‌ రావుకు మాత్రం అగ్గిపెట్టే దొరకదా అని ప్రశ్నించారు. 4 లక్షల మంది చస్తే తప్ప తెలంగాణ రాదన్న కేసీఆర్ మాటలను మహేశ్ గౌడ్ గుర్తుచేశారు. తెలంగాణ ఉద్యమంలో కేసీఆర్ పాత్ర ఉందని, అయితే, ఆయన వల్లే తెలంగాణ రాలేదన్నారు. సోనియా గాంధీ వల్లే తెలంగాణ వచ్చిందని, ఈ విషయాన్ని కేసీఆర్ కూడా చెప్పారని గుర్తుచేశారు.
బీఆర్ఎస్ పార్టీ గల్లంతు ఖాయం..
దీక్షా దివాస్ పేరుతో మరోసారి ప్రజలను మోసం చేసేందుకు బీఆర్ఎస్ పార్టీ సిద్ధమైందని మహేశ్ గౌడ్ అన్నారు. కేసీఆర్ బయటకు వస్తే ప్రజలు అసహ్యించుకునే పరిస్థితి రాష్ట్రంలో ఉందని, అందుకే ఆయన ఫామ్ హౌస్‌‌‌‌‌‌‌‌‌‌‌‌‌‌‌‌కే పరిమితమయ్యారని అన్నారు.
తెలంగాణలో బీఆర్ఎస్‌‌‌‌‌‌‌‌‌‌‌‌‌‌‌‌ది ముగిసిన శకం అని, ఈ విషయం కేసీఆర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌కు కూడా అర్థమైందన్నారు. ప్రజల సెంటిమెంట్‌‌‌‌‌‌‌‌‌‌‌‌‌‌‌‌ను రాజకీయ లబ్ధి కోసం వాడుకొని పదేండ్ల పాటు తెలంగాణను కేసీఆర్ కుటుంబం దోచుకుందని ధ్వజమెత్తారు. లోకల్ బాడీ ఎన్నికల్లో బీఆర్ఎస్ పార్టీ గల్లంతు కావడం ఖాయమని మహేశ్ గౌడ్ అన్నారు.
బీజేపీ వాళ్లకు మజ్లిస్, ఒవైసీ పేరు తీయనిదే రోజు గడవదని మహేశ్ గౌడ్ విమర్శించారు. ముస్లింలు ఈ సమాజంలో భాగమే కదా.. వారి విషయంలో కాంగ్రెస్ ఎప్పుడు ఒకే విధానంలో ఉంటుందని స్పష్టం చేశారు. నల్గొండ డీసీసీ చీఫ్ పున్న కైలాష్ నేత వివాదంపై ఆయన స్పందిస్తూ.. అది ఆయన మూడేండ్ల కింద మాట్లాడిన వీడియో అని, దీనిపై కైలాష్ మంత్రి కోమటిరెడ్డి వెంకట్ రెడ్డిని కలిసి వివరణ కూడా ఇచ్చారని, బహిరంగ క్షమాపణలు కూడా చెప్పారన్నారు. మావోయిస్టుల వల్ల తాను తన యవ్వనాన్ని, ఆస్తులను కోల్పోయానని, అయితే అప్పటి పరిస్థితి వేరు, ఇప్పుడున్న పరిస్థితి వేరని పేర్కొన్నారు. హింసను తానుగాని, కాంగ్రెస్ గాని సమర్థించమన్నారు.
చదువుకున్నోళ్లు పాలిటిక్స్‌‌‌‌‌‌‌‌‌‌‌‌‌‌‌‌లోకి వస్తేనే క్వాలిటీ డెవలప్మెంట్..
చదువుకున్నవాళ్లు రాజకీయాల్లోకి వస్తేనే క్వాలిటీ డెవలప్మెంట్ జరుగుతుందని పీసీసీ చీఫ్ మహేశ్ గౌడ్ అన్నారు. సమాజంలో డాక్టర్లకు ప్రత్యేక స్థానం ఉందని, తాను కూడా డాక్టర్ కావాలనుకున్నా... పరిస్థితుల వల్ల కాలేకపోయానని గుర్తుచేసుకున్నారు.
దివంగత వైఎస్ రాజశేఖర్ రెడ్డి రూపాయి డాక్టర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌గా పేదలకు సేవ చేసి గుర్తింపు సాధించారని, అదే స్ఫూర్తితో డాక్టర్లు సమాజసేవలో భాగం కావాలని పిలుపునిచ్చారు. పీసీసీ డాక్టర్ సెల్ రాష్ట్ర, జిల్లా స్థాయి కమిటీలను మహేశ్ గౌడ్ గురువారం ప్రకటించారు. గాంధీ భవన్ వేదికగా రాష్ట్ర వైస్ చైర్మన్, జనరల్ సెక్రటరీతో పాటు ఐదు జిల్లాల చైర్మన్లకు, ఇతర కీలక నేతలకు నియామక పత్రాలను అందజేశారు.
ఈ సందర్భంగా ఆయన మాట్లాడుతూ.. గత బీఆర్ఎస్ ప్రభుత్వం వైద్యరంగాన్ని నిర్వీర్యం చేసిందని, కానీ కాంగ్రెస్ ప్రభుత్వం వచ్చాక ఆరోగ్య శాఖలో వేలాది ఉద్యోగాలను భర్తీ చేసి వ్యవస్థను గాడిలో పెడుతుందని తెలిపారు. ఈ కార్యక్రమంలో సెల్ చైర్మన్ రాజీవ్, డాక్టర్ సెల్ వైస్ చైర్మన్ చిత్తరువు కరిష్ని, ఉన్నతాధికారులు పాల్గొన్నారు.
