వేలాది మంది జనం! చుట్టూ తుపాకులు పట్టిన బలగాల బందోబస్తు! ఓ పండుగ జరుగుతోంది అక్కడ! ఇంతలోనే ఓ పిల్లాడి చిన్న బంతి అక్కడ పడిపోయింది. అది ఆ పోరడికి ఓ విలువైన వస్తువు. దాన్ని ఎలాగైనా తీసుకోవాలన్న తపన. కానీ, అక్కడ సైనికుడు ఉండన్న బెదురు. కళ్లల్లో బెరుకు. కొంచెం ధైర్యం చేశాడు. ముందుకు సాగిలపడ్డాడు. తుపాకీ పట్టిన ఆ సోల్జర్ వెనక్కి తిరిగి చూసే లోపు తీసుకోవాలనుకున్నాడు. భయంభయంగానే ఆ సోల్జర్ను చూస్తూ ధైర్యం చేసి తన బంతిని చటుక్కున అందుకుని మళ్లీ తన ప్లేస్లోకి వెళ్లిపోయాడు. ఇది 2008లో లైబీరియా రాజధాని మొన్రోవియాలో తీసిన ఫొటో. సియెనా ఇంటర్నేషనల్ ఫొటో అవార్డ్స్ 2019 పోటీల్లో విజేతగా నిలిచింది. బ్రిటన్కు చెందిన జొనాథన్ బ్యాంక్స్ అనే ఫొటోగ్రాఫర్ ఈ ఫొటోను క్లిక్మనిపించాడు. ‘ఎ బాయ్ ఇన్ ద క్రౌడ్’ అని దానికి పేరు పెట్టాడు. ఈ పోటీలకు 54 దేశాలకు చెందిన 187 మంది ఫొటోగ్రాఫర్లు తాము తీసిన ఫొటోలను పంపారు. పది కేటగిరీల్లో అవార్డులు ఇచ్చారు. ఈ పిల్లాడి ఫొటో మాత్రం ఓవరాల్ విన్నర్గా నిలిచింది.
