- ఇన్నోవేషన్ సెక్టార్లో కీ రోల్
- వ్యాపారాలు నిర్వహిస్తూ.. ఇతరులకు ట్రైనింగ్
- ‘ఎనేబ్లింగ్ విలేజ్’ పేరుతో గ్రామం
సింగపూర్ : సింగపూర్లో దివ్యాంగులకూ ఓ విలేజ్ ఉంది. అక్కడ ఉండే సూపర్ మార్కెట్లు, షాపింగ్ మాల్స్ స్పెషల్గా ఉంటాయి. స్లైడింగ్ డోర్లు, నడిచేందుకు వీలుగా దారులు, వీల్చైర్లతో నెట్టగలిగే ట్రాలీలు ఇక్కడ కనిపిస్తాయి. వాష్రూమ్లపై బ్రెయిలీ అక్షరాలతో సైన్లు, ఫ్లోర్పై టచెబుల్ ఇండికేటర్స్ ఉంటాయి. ఎవరి సాయం లేకుండా అంధులే తమ పని చక్కబెట్టుకునే ఫెసిలిటీస్ఈ విలేజ్లో ఉంటాయి. ‘ఎనేబ్లింగ్ విలేజ్’ లేదా ‘ఈవీ’అని పిలవబడే ఈ గ్రామంలో ది వ్యాంగులకు స్పెషల్ స్టేటస్ ఉంది. దివ్యాంగులను స మాజంలో భాగస్వాములను చేసేందుకు ఈ విలేజ్ను ఏర్పాటు చేసినట్లు ఎస్జీ ఎనేబుల్ చీఫ్ ఎగ్జిక్యూటివ్ ఆఫీసర్ కు జియోక్ బూన్ తెలిపారు. ఇక్కడ ఉండే దివ్యాంగులు ఇతరులకు ట్రైనింగ్ ఇస్తుంటారు. మరికొందరు వ్యాపారాలు చేస్తుంటారు. ఈవెంట్స్, కమ్యూనిటీ సర్వీసెస్లు కూడా కీలక పాత్ర పోషిస్తుంటారు.
విదేశీయులను ఆకర్శిస్తున్న ‘ఈవీ’
తమ సమిష్టి కృషి ద్వారా.. మరింత మంది దివ్యాంగులు మెరుగైన, అర్థవంతమైన జీవితాలు గడుపు తారని ఆశిస్తున్నట్లు బూన్ తెలిపారు. మరిన్ని అద్భుతమైన అవకాశాలు కల్పించేందుకు కృషి చేస్తున్నామన్నారు. ఉద్యోగాలతో పాటు ఇంటర్వ్యూలకు ఎలా అటెండ్ కావాలన్న అంశాలపై శిక్షణ, వర్క్షాపులు ఏర్పాటు చేస్తా రని వివరించారు. ఎంతో అనుభవం ఉన్న వ్యాపారులు, ట్రైనర్స్, నిపుణులను ఒక చోట చేర్చడమే తమ లక్ష్యమని బూన్ తెలిపారు. వివిధ దేశాల నుంచి వచ్చే విజిటర్స్ను ‘ఈవీ’ ఎంతో ఆకర్షిస్తున్నదన్నారు. లోకల్తో పాటు ఇంటర్నేషనల్ గెస్ట్లకు అతిథ్యం ఇస్తున్నదని వివరించారు. టెక్నాలజీతో కూడిన ఈ సమాజం దివ్యాంగులను ఎలా కలుపుకుని ముందుకు తీసుకెళ్లగలదో చెప్పాలనుకుంటున్నామని తెలిపారు. దివ్యాంగులు అందరికీ స్ఫూర్తిగా నిలిచేలా చేయడమే లక్ష్యమని చెప్పారు. సరికొత్త సేవలు అందుబాటులోకి తీసుకురావడం, వారి మధ్య ఉన్న గ్యాప్ను తొలగించాలనే ఎనేబ్లింగ్ విలేజ్ను ఏర్పాటు చేశామని బూన్ వివరించారు.
