కేరళ త్రిసూర్ జిల్లాలోని పవిత్ర విష్ణు క్షేత్రం గురువాయూరు. దక్షిణ ద్వారకగా ఖ్యాతిగాంచిన ఈ క్షేత్రంలో శ్రీ కృష్ణుడు గురువాయూరప్పన్ అనే పేరుతో భక్తులతో పూజలను అందుకుంటున్నారు.ఈ దేవాలయం వివాహాలు చేసుకునేందుకు ప్రసిద్ది చెందింది. ఇక్కడ జరిగే పెళ్లిళ్లలకు ముహూర్తాలు అవసరం లేదట. దేవాలయం తీసి ఉన్నప్పుడు ఏ సమయంలోనైనా పెళ్లిళ్లు చేసుకోవచ్చట. తెల్లవారు జామున 3 గంటల నుంచి బాజా భజంత్రీలు మోగుతుంటాయి.
గురువాయూర్ దేవాలయాన్ని భూలోక వైకుంఠం అని పిలుస్తారు. ఇక్కడ పెళ్లి చేసుకుంటే వైకుంఠంలోనే వివాహం అయిందని ప్రజలు విశ్వసిస్తుంటారు. అలాగే ఈ దంపతులకు శ్రీకృష్ణుని కటాక్షం లభించి.. వీరి వైవాహిక జీవితం ఎలాంటి ఒడిదుడుకులు లేకుండా సాఫీగా సాగుతుందని భావిస్తుంటారు. అయితే వివాహం అయిన తరువాత కొత్త జంటను ఈ దేవాలయం లోపలికి వెళ్లనివ్వరు. అందుకే పెళ్లికి ముందే ... కొత్తగా దంపతులయ్యేవారు ఆలయం లోపల స్వామిని దర్శించుకుంటారు.
ఈ దేవాలయంలో స్వామిని ప్రార్ధిస్తే భక్తుల కోరికలు నెరవేరుతాయని పురాణాలు చెబుతున్నాయి. గురువాయూర్ దేవాలయంలోని విగ్రహాన్ని ద్వారకలో దేవకీ వసుదేవులు పూజించారని పురాణాల ద్వారా తెలుస్తోంది. దీనిని దేవతల గురువు బృహస్పతి.. ఆయన శిష్యుడు వాయుదేవుడు స్థాపించారు. కొంతమంది దంపతులకు ఈ దేవాలయాన్ని ప్రతి సంవత్సరం దర్శించుకునే ఆనవాయితీ ఉంది. మరికొంతమంది ప్రతి నెలా దర్శించుకుంటారు,
