- డాక్టర్ల నిర్లక్ష్యమే కారణమని కుటుంబసభ్యుల ఆందోళన
- మంచిర్యాల జిల్లా కేంద్రంలో ఘటన
- తమ తప్పేమీ లేదన్న డాక్టర్
మంచిర్యాల, వెలుగు: మంచిర్యాల జిల్లా కేంద్రం ఐబీ ఏరియాలో ఉన్న ఓ ప్రైవేట్ హాస్పిటల్లో యువతి చనిపోగా, దీనికి డాక్టర్ల నిర్లక్ష్యమే కారణమంటూ కుటుంబసభ్యులు ఆందోళనకు దిగారు. హాజీపూర్ మండలం టీకనపల్లెకు చెందిన మేడం రమ్య(23)కు ఆదివారం తీవ్రమైన కడుపునొప్పి రావడంతో కుటుంబసభ్యులు మంచిర్యాలలోని ప్రసాద్ సర్జికల్ ల్యాప్రోస్కోపిక్ మెటర్నిటీ అండ్కిడ్నీ సెంటర్లో చేర్పించారు. డాక్టర్లు టెస్టులు చేసి రమ్య గర్భసంచికి గడ్డలు ఉన్నట్టు గుర్తించారు. మంగళవారం రాత్రి ఆమెకు ఆపరేషన్ చేశారు. బుధవారం ఉదయం తీవ్రమైన బ్లీడింగ్ అయ్యింది. అప్పటికే ఆక్సిజన్ లెవెల్స్ పడిపోయి ప్రాణాపాయ స్థితిలో ఉన్నట్టు గుర్తించి ఆపరేషన్థియేటర్కు తరలించారు. కార్డియాలజిస్టు వచ్చి ట్రీట్మెంట్ అందిస్తుండగానే ఆమె చనిపోయింది. రమ్యకు ఆపరేషన్ చేసిన రెండు మూడు గంటల నుంచే బ్లీడింగ్అయ్యిందని, ఈ విషయాన్ని సిబ్బందికి చెప్పినా తెల్లవారే వరకు పట్టించుకోలేదని
కుటుంబసభ్యులు ఆరోపించారు.
సిబ్బంది, డాక్టర్ నిర్లక్ష్యం వల్లే రమ్య చనిపోయిందని ఆందోళనకు దిగారు. పోలీసులు వచ్చి న్యాయం జరి గేలా చూస్తామని చెప్పడంతో బాధిత కుటుంబం రమ్య డెడ్బాడీని తీసుకెళ్లారు. అత్యవసరంగా ఆపరేషన్ అవసరం లేదని చెప్పినప్పటికీ కుటుంబసభ్యులే చేయాలన్నారని, గర్భసంచికి ఎలాంటి ప్రమాదం లేకుండా గడ్డలు తొలగించామని డాక్టర్ ఆంజనేయ ప్రసాద్ మీడియాకు తెలిపారు. ఇందులో తమ నిర్లక్ష్యం ఏమీ లేదన్నారు. ఆమె ఆందోళన చెందడం వల్లే కార్డియాక్అరెస్టుతో చనిపోయిందని పేర్కొన్నారు.
