కొంత కాలంగా వరుస సీరియస్ సబ్జెక్టులతో మెప్పిస్తున్న అల్లరి నరేష్.. తిరిగి తనదైన హాస్యంతో ప్రేక్షకులను నవ్వించడానికి రెడీ అవుతున్నాడు. తాజాగా తన 61వ సినిమాను ప్రకటించాడు. మల్లి అంకం దర్శకుడి గా పరిచయమవుతున్న ఈ మూవీ టైటిల్ గ్లింప్స్ను శుక్రవారం రిలీజ్ చేశారు. ఈ చిత్రానికి ‘ఆ ఒక్కటీ అడక్కు’ అనే టైటిల్ను ఫిక్స్ చేశారు.
నరేష్ తండ్రి ఈవీవీ సత్యనారా యణ ఇరవై రెండేళ్ల క్రితం ఇదే టైటిల్తో సూపర్ హిట్ను అందించిన సంగతి తెలిసిందే. మళ్లీ ఇన్నాళ్లకు తన తండ్రి టైటిల్తో వస్తున్నాడు నరేష్. ఈ సందర్భంగా రిలీజ్ చేసిన గ్లింప్స్ హిలేరియస్గా ఉంది. ఇందులో నరేష్ పాత్ర పేరు గణ. తన పెళ్లి గురించి కుటుంబ సభ్యులు, ఇరుగుపొరుగు వారు అడుగుతారు.
ఈ సందర్భంలో టైటిల్ను రివీల్ చేస్తూ ‘ఆ ఒక్కటీ అడక్కు’ అని వారందరికీ సమాధానమిచ్చాడు నరేష్. పెళ్లి అనేది పాన్ ఇండియా సమస్య అని చెప్పడం సినిమాపై బజ్ను పెంచేలా ఉంది. ఫరియా అబ్దుల్లా హీరోయిన్గా నటిస్తున్న ఈ చిత్రంలో వెన్నెల కిషోర్, జామీ లీవర్, వైవా హర్ష, అరియానా గ్లోరీ ఇతర పాత్రల్లో కనిపించనున్నారు. రాజీవ్ చిలక నిర్మిస్తున్నారు. భరత్ లక్ష్మీపతి సహ నిర్మాత. గోపీ సుందర్ సంగీతం అందిస్తున్నాడు. మార్చి 22న ఈ చిత్రాన్ని విడుదల చేయనున్నట్టు ప్రకటించారు.