బషీర్ బాగ్, వెలుగు: ఇంటర్ స్టూడెంట్లకు వేసవి సెలవులు ఇవ్వకుండా, క్లాసులు నిర్వహిస్తున్నారంటూ ఏబీవీపీ నాయకులు శుక్రవారం సుల్తాన్ బజార్ లోని అవినాష్ కాలేజీ ముందు ఆందోళనకు దిగారు. కాలేజీలోకి వెళ్లేందుకు ప్రయత్నించగా, అక్కడి సెక్యూరిటీ సిబ్బంది వారిని అడ్డుకున్నారు. ఈ క్రమంలో తీవ్ర వాగ్వాదం చోటుచేసుకుంది.
కాలేజీ గేట్లు క్లోజ్చేసి, తాళాలు వేయడంతో ఏబీవీపీ హైదరాబాద్ జిల్లా కన్వీనర్ హరిప్రసాద్, నాయకులు అక్కడే బైఠాయించి యాజమాన్యానికి వ్యతిరేకంగా నినాదాలు చేశారు. సమాచారం అందుకున్న సుల్తాన్ బజార్ పోలీసులు విద్యార్థి నాయకులను సముదాయించే ప్రయత్నం చేశారు. క్లాసులు బంద్చేయించి, పిల్లలను ఇంటికి పంపించి వేయాలని డిమాండ్, పోలీసులు కాలేజీ యాజమాన్యంతో మాట్లాడారు. స్టూడెంట్లను పంపించివేశారు. దీంతో ఏబీవీపీ నాయకులు ఆందోళన విరమించారు.
