గంగోత్రి సినిమాతో చిత్రపరిశ్రమకు పరిచయమైన హీరో, స్టైలిష్ స్టార్ అల్లు అర్జున్. ఈ రోజు ఆయన పుట్టిన రోజు. ఆ సందర్భంగా తన కొత్త సినిమా ఫస్ట్ లుక్‌ను బన్నీ తన ట్విట్టర్‌ ఖాతా ద్వారా విడుదల చేశారు. సుకుమార్ దర్శకత్వంలో రాబోతున్న ఈ సినిమాకు దేవీశ్రీ ప్రసాద్ సంగీతమందినున్నారు.
ఈ సినిమాలో బన్నీ సరసన రష్మికా మందన్న హీరోయిన్‌గా నటించనున్నారు. మైత్రీమూవీ మేకర్స్‌ ద్వారా నవీన్ యెర్నేనీ ఈ చిత్రాన్ని నిర్మిస్తున్నారు. ఈ మధ్యే అలవైకుంఠపురంలో సినిమాతో మంచి విజయాన్ని దక్కించుకున్న బన్నీ ఈ సినిమాతో ఎలా మెప్పిస్తాడో చూడాలి. విజయ్ సేతుపతి, జగపతిబాబు, వెన్నెల కిషోర్, అనసూయ తదితరులు ముఖ్యపాత్రలు పోషిస్తున్న ఈ సినిమా తెలుగు, హిందీ, కన్నడ, మళయాళం, తమిళ భాషలలో ఒకేసారి విడుదలకాబోతుంది.
For More News..
