పొలిటికల్ ఎంట్రీపై రజనీ ఏంచెప్తరో!
ఫ్యాన్స్తో నేడు సూపర్ స్టార్ భేటీ
ఆ తర్వాతే ఎన్నికల్లో పోటీపై
ఫైనల్ డెసిషన్ తీసుకుంటరు
చెన్నై: తమిళ సూపర్ స్టార్ రజనీకాంత్ రాజకీయాల్లోకి వస్తున్నారా.. లేదా.. అనే దానిపై ఇప్పటి వరకున్న సస్పెన్స్కు తెరపడనుంది. దీనిపై ఫ్యాన్స్తో చర్చించి, సోమవారం రజనీ ఫైనల్ నిర్ణయం తీసుకుంటారని సమాచారం. కోడంబాక్కంలోని రజనీ ఫంక్షన్ హాల్ ఈ భేటీకి వేదిక కానుంది. ఫ్యాన్స్ గ్రూపులకు చెందిన జిల్లా నేతలు పాల్గొనే ఈ మీటింగ్కు రజనీ ప్రత్యక్షంగా కాకుండా వీడియో కాన్ఫరెన్స్ ద్వారా హాజరవుతారని తెలుస్తోంది. రజనీకాంత్ రాజకీయ ప్రవేశంపై గత కొంతకాలంగా ప్రచారం జరుగుతోంది. 2017 డిసెంబర్ 31న రాజకీయాల్లో అడుగుపెడతానంటూ స్వయంగా రజనీకాంత్ ప్రకటించారు. తర్వాత రజనీ మక్కల్ మంద్రమ్(ఆర్ఎంఎం) పేరుతో పార్టీ ప్రకటన కూడా చేశారు. రాష్ట్రంలో అసెంబ్లీ ఎన్నికలు ఎప్పుడు వచ్చినా సరే పోటీ చేస్తామని రజనీ వెల్లడించారు. ముందస్తుగానే బూత్ కమిటీలను ఏర్పాటు చేస్తామని కూడా ప్రకటించారు. ఆ తర్వాత రాజకీయంగా ఎలాంటి చర్యలు చేపట్టలే. సరైన టైమ్లో రాజకీయాల్లోకి వస్తానంటూ రజనీ తరచుగా ప్రకటనలు చేశారు. దీంతో రజనీ ఫ్యాన్స్తో పాటు తమిళ ప్రజల్లోనూ కన్ఫ్యూజన్ నెలకొంది. దీనిపై సోమవారం క్లారిటీ వస్తుందని రజనీ ఫ్యాన్స్ చెబుతున్నారు.
For More News..
