మహానటి తర్వాత దసరాతో మరోసారి సక్సెస్ అందుకుంది కీర్తిసురేశ్. ఇందులో వెన్నెలగా నటించి క్రిటిక్స్ను సైతం మెప్పించింది. ఫేమ్తో పాటుగా కీర్తి చుట్టూ ఎప్పుడూ ఏదో ఒక రూమర్ ఉంటూనే ఉంటుంది. కొంతకాలంగా ఈ బ్యూటీ పెళ్లి వార్తలు ఇంటెర్నెట్లో చక్కర్లు కొడుతున్నాయి. కేరళకు చెందిన ఓ వ్యాపార వేత్తను పెళ్లి చేసుకోబోతోందనే వార్త ఆ మధ్య వైరల్ అయ్యింది.
ఆ తర్వాత తమిళ స్టార్ దళపతి విజయ్తో ఆమె డేటింగ్లో ఉందంటూ గాసిప్లు వినిపించాయి. ఇదే విషయంపై ఓ అభిమాని ఆమెను పెళ్లెప్పుడు చేసుకుంటారు? అని అడిగాడు. దీనికి కీర్తి సమాధానం ఇస్తూ ఇప్పట్లో అలాంటి ఆలోచన లేదని.. సరైన వాడు దొరికితే కచ్చితంగా చేసుకుంటానని తెలిపింది. దీంతో పెళ్లి, డేటింగ్ అంటూ తనపై వస్తున్న వార్తలకు చెక్ పెట్టింది.