బాలీవుడ్ విలక్షణ నటుడు నానా పటేకర్ (75) గురువారం వేకువజామున గోవాలో గుండెపోటుతో కన్నుమూసిన వార్త సినీ ప్రపంచాన్ని తీవ్ర శోకసంద్రంలో ముంచెత్తింది. ఆయన మృతి పట్ల సినీ, రాజకీయ ప్రముఖులు తీవ్ర దిగ్భాంతిని వ్యక్తం చేశారు. అయితే ఇలాంటి సమయంలో... మీటూ (Me Too) వివాదంలో నానా పటేకర్ పై తీవ్ర ఆరోపణలు చేసిన నటి తనుశ్రీ దత్తా.. లేటెస్ట్ గా చేసిన వ్యాఖ్యలు మాత్రం ఇప్పుడు సోషల్ మీడియాలో తీవ్ర దుమారం రేపుతున్నాయి.
నానా పటేకర్ మరణ వార్తపై ఇన్ స్టాగ్రామ్‌లో స్పందించిన తనుశ్రీ దత్తా.. ఆయన నేరుగా పేరు ఎత్తకుండానే పరోక్షంగా సంచలన వ్యాఖ్యలు చేశారు. "నేను ఆ వార్త విన్నాను.. కానీ ఈ రోజు నా వర్కింగ్ డే. లక్నోలో ఓ పెద్ద ఈవెంట్ ఉంది, నేను దానిపైనే దృష్టి పెట్టాలనుకుంటున్నాను. అంతా ప్లాన్ చేసుకున్న ఈ సమయంలో ఇలాంటి వార్త రావడం ఎంత విచిత్రమో. సాయంత్రానికి మీడియా అంతా ఆ 'ఈవిల్ డెడ్' (చేడు శక్తుల అంతం) పైనే శ్రద్ధ చూపిస్తుందేమో అని నా బాధ. దీనిపై ఎలా స్పందించాలో ఆలోచించి ఆ తర్వాత పూర్తిగా మాట్లాడుతాను. ఆయన కుటుంబానికి నా సానుభూతి" అని అంటూ వీడియోను అర్ధాంతరంగా ముగించారు. 'దిస్ ఈజ్ పాతెటిక్' అనే హాష్‌ట్యాగ్‌తో పోస్ట్ చేసిన ఈ వీడియో ప్రస్తుతం వైరల్‌గా మారింది.
2008లో 'హార్న్ ఓకే ప్లీజ్'సినిమా షూటింగ్ సెట్‌లో నానా పటేకర్ తన పట్ల అనుచితంగా ప్రవర్తించారని 2018 మీటూ ఉద్యమం సమయంలో తనుశ్రీ ఆరోపించిన సంగతి తెలిసిందే. అప్పట్లో ఈ కేసు దేశవ్యాప్తంగా పెను సంచలనం సృష్టించింది. అయితే నానా పటేకర్ ఈ ఆరోపణలను తీవ్రంగా ఖండించారు. తగిన ఆధారాలు లేకపోవడంతో 2019లో పోలీసులు ఈ కేసును మూసివేశారు.
ఒక వైపు సినీ లోకం నానా పటేకర్ మృతికి అశ్రునివాళులు అర్పిస్తుంటే.. ఆయన మరణించిన రోజున కూడా తనుశ్రీ దత్తా 'ఈవిల్ డెడ్' అంటూ కామెంట్స్ చేయడం పట్ల నెటిజన్లు తీవ్ర ఆగ్రహం వ్యక్తం చేస్తున్నారు.
