ఇండియాస్ మోస్ట్ అవేటెడ్ మూవీ "ఆదిపురుష్"(Adipurush) కోసం యంగ్ రెబల్ స్టార్ ప్రభాస్(Prabhas) ఫ్యాన్స్ తో పాటు సినీ ప్రియులు కూడా ఎంతగానో వెయిట్ చేస్తున్నారు. ఈ మూవీ జూన్‌ 16న ప్రేక్షకుల ముందుకు రాబోతోంది. మొన్నటి వరకు ఈ సినిమా రిలీజ్ మళ్లీ వాయిదా పడే అవకాశాలు ఉన్నాయి అంటూ ప్రచారం జరిగింది కానీ.. చిత్ర యూనిట్‌ మాత్రం ఈసారి అనుకున్న తేదీకి విడుదల చేసి తీరాలని ఫిక్స్ అయ్యారు. ఇక ఈ సినిమాకి సంబంధించి మే 9న ట్రైలర్‌ను విడుదల చేయనున్నట్లు అఫీషియల్ అనౌన్స్ మెంట్ కూడా ఇచ్చేశారు.
కొన్ని సెలెక్టెడ్‌ థియేటర్లలో త్రీడీ ట్రైలర్‌ను కూడా ప్రదర్శించబోతున్నారట. ఈ మేరకు అప్డేట్ నెట్టింట్లో వైరల్ అవుతోంది. అంతే కాకుండా ఆదిపురుష్ ట్రైలర్ ను రిలీజ్ చేసేందుకు భారీగా ఏర్పాట్లు కూడా జరుగుతున్నాయి. ప్రముఖ పుణ్యక్షేత్రం తిరుపతిలో ఈ వేడుక నిర్వహించనున్నారనే వార్తలు కూడా వినిపిస్తున్నాయి. ట్రైలర్ రిలీజ్ మొదలుకొని.. వరుసగా మూవీ ప్రమోషన్స్ జరగనున్నాయి. ఇందుకోసం.. దేశవ్యాప్తంగా ఉన్న ప్రముఖ నగరాలలో ఈ ఈవెంట్స్ జరగనున్నాయి.
మోషన్ క్యాప్చర్ టెక్నాలజీతో, దాదాపు 550 కోట్ల బడ్జెట్ తో ఈ సినిమా తెరకెక్కుతోంది. రామాయణ గాధ ఆధారంగ వస్తున్న ఈ సినిమాలో ప్రభాస్ రాముడిగా, బాలీవుడ్ హీరోయిన్ కృతి సనన్(Krithi sanon) సీతగా కనిపించనున్నారు. ఇప్పటికే ఈ సినిమా నుండి విడుదలైన పోస్టర్స్, టీజర్స్ కి ఆడియన్స్ నుండి సూపర్ రెస్పాన్స్ వచ్చింది. దీంతో సినిమాపై అంచనాలు కూడా నెక్స్ట్ లెవల్ కి చేరుకున్నాయి. ఈ సినిమా ఇండియన్ సినీ చరిత్రలో ఒక స్పెషల్ మూవీగా నిలిచిపోవడం ఖాయం అనే కామెంట్స్ వినిపిస్తున్నాయి. రిలీజ్ తరువాత ఈ సినిమా ఎన్ని రికార్డ్స్ క్రియేట్ చేయనుందో చూడాలి మరి.
