మంచిర్యాల, వెలుగు: సీఎం కేసీఆర్ఐదేండ్ల తర్వాత మంచిర్యాల జిల్లాకు వస్తున్నారు. చివరిసారిగా 2018 ఫిబ్రవరి 27న శ్రీరాంపూర్ప్రగతి స్టేడియంలో నిర్వహించిన సింగరేణీయుల ఆత్మీయ సమ్మేళనానికి హాజరైన సీఎం డిసెంబర్లో ఎన్నికల ప్రచార సభల్లో పాల్గొన్నారు. రెండోసారి సీఎం అయిన తర్వాత మళ్లీ ఇప్పటివరకు రాలేదు. జిల్లా పర్యటనలో భాగంగా శుక్రవారం సాయంత్రం నస్పూర్లో నిర్మించిన కొత్త కలెక్టరేట్ను, బీఆర్ఎస్ జిల్లా ఆఫీస్ను ఓపెనింగ్ చేస్తారు. కలెక్టరేట్ సమీపంలో 6.30 గంటలకు నిర్వహించే బహిరంగ సభలో బీసీలకు రూ.లక్ష ఆర్థికసాయం పథకాన్ని ప్రారంభిస్తారు. అలాగే చెన్నూర్ నియోజకవర్గంలో లక్ష ఎకరాలకు సాగునీళ్లందించేందుకు రూ.1658 కోట్లతో నిర్మించనున్న చెన్నూర్ లిఫ్ట్ ఇరిగేషన్ స్కీంకు, మంచిర్యాల నియోజకవర్గంలో 10వేల ఎకరాలకు నీరందించేందుకు రూ.90 కోట్లతో నిర్మించనున్న పడ్తనపల్లి లిఫ్ట్కు భూమిపూజ చేస్తారు. మందమర్రి సమీపంలో రూ.500 కోట్లతో పామాయిల్ఇండస్ర్టీ, రూ.165 కోట్లతో మంచిర్యాల గోదావరిపై హైలెవల్ బ్రిడ్జి, గుడిపేటలో మెడికల్కాలేజీ నిర్మాణాలకు కూడా భూమిపూజ చేయనున్నారు. ఈ సందర్భంగా కలెక్టరేట్ సమీపంలో భారీ బహిరంగ సభ నిర్వహణకు ఏర్పాట్లు పూర్తి చేశారు. 2,350 మంది పోలీసులతో భారీ బందోబస్తు నిర్వహిస్తున్నారు.
ట్రాఫిక్ డైవర్షన్ ...
నస్పూర్లో కేసీఆర్ పర్యటన సందర్భంగా శుక్రవారం మధ్యాహ్నం 2గంటల నుంచి సాయంత్రం వరకు ట్రాఫిక్డైవర్షన్చేసినట్టు పోలీసులు తెలిపారు. గోదావరిఖని, చెన్నూర్వైపు నుంచి మంచిర్యాల వైపు వచ్చే వెహికల్స్శ్రీరాంపూర్ జీఎం ఆఫీస్ దగ్గర నుంచి ఎన్ హెచ్ 363, గాంధారి వనం మీదుగా మంచిర్యాల వైపు వెళ్లాలని సూచించారు. మంచిర్యాల వైపు నుంచి శ్రీరాంపూర్, చెన్నూర్, గోదావరిఖని వైపు వెళ్లే వెహికల్స్మంచిర్యాల ఐబీ చౌరస్తా, గాంధారి వనం దగ్గర నుంచి ఎన్హెచ్363 మీదుగా శ్రీరాంపూర్ జీఎం ఆఫీస్ వద్ద నుంచి వెళ్లాలన్నారు.
