విషపు గాలితో పిల్లలు తల్లడిల్లుతుంటే..మోదీ ఎందుకు స్పందించట్లే?: రాహుల్గాంధీ

• ఢిల్లీలో వాయు కాలుష్యంతోహెల్త్ ఎమర్జెన్సీ:రాహుల్ గాంధీ
• పార్లమెంటులో చర్చించి యాక్షన్​ప్లాన్​రూపొందించాలని డిమాండ్ 

న్యూఢిల్లీ: ఢిల్లీలో గాలి కాలుష్యంతో ‘హెల్త్ ఎమర్జెన్సీ’ పరిస్థితులు నెలకొన్నాయని.. ప్రధాని నరేంద్రమోదీ దీనిపై మౌనం వీడి స్పందించాలని లోక్​సభ ప్రతిపక్ష నేత రాహుల్ గాంధీ అన్నారు. కాలుష్యం విషయంలో కేంద్ర ప్రభుత్వంలో జవాబుదారీతనం కనిపించడం లేదన్నారు. కాలుష్యంపై పార్లమెంట్లో తప్పనిసరగా వివరణాత్మక చర్చ జరగాలని శుక్రవారం డిమాండ్ చేశారు. 

దేశ రాజధానిలో గాలి కాలుష్యాన్ని నివారించేందుకు కఠినమైన, అమలు చేయగల యాక్షన్​ప్లాన్ రూపొందించాలంటూ ‘ఎక్స్’లో పోస్టు చేశారు. కొంతమంది చిన్నారుల తల్లులు  తన ఇంటికి వచ్చి కలిసి కాలుష్యంపై ఆయనతో మాట్లాడిన వీడియోను కూడా షేర్​ చేశారు. ‘‘నా నివాసానికి వచ్చి కలిసిన మాతృమూర్తులు తమ చిన్నారులు విషపూరిత గాలిని పీల్చుకుంటూ అనేక సమస్యలతో ఇబ్బందులు పడుతున్నారని చెప్పారు. 

గాలి కాలుష్యం వారిని భయపెడుతున్నదని ఆందోళన వ్యక్తంచేశారు. అలాగే ఈ సమస్యపై వారు ఆగ్రహంగా కూడా ఉన్నారు. మోదీ జీ.. మన పిల్లలు మన కళ్లముందే ఉక్కిరిబిక్కిరి అవుతున్నరు. ఇదంతా చూస్తూ కూడా మీరు ఎలా మౌనంగా ఉండగలుగుతున్నరు? మీ ప్రభుత్వం ఎందుకు ఇంత నిర్లక్ష్యంగా, ఒక ప్రణాళిక లేకుండా, కనీస జవాబుదారీతనం లేకుండా ఉంది?’’ అని తన పోస్ట్‌‌‌‌‌‌‌‌లో ప్రశ్నించారు. 

‘‘వాయు కాలుష్యంపై వెంటనే పార్లమెంటులో వివరణాత్మక చర్చ చేపట్టాలి. ఈ హెల్త్ ఎమర్జెన్సీ పరిస్థితిని పరిష్కరించడానికి స్ట్రిక్ట్​గా అమలు చేయగల యాక్షన్​అవసరం. మన పిల్లలకు స్వచ్ఛమైన గాలి అవసరం. దాన్ని పొందే హక్కు వారికి ఉంది. వారికి కావాల్సింది సాకులు, పక్కదారి పట్టించే ముచ్చట్లు కాదు’’ అని ఆయన రాహుల్​ అన్నారు.