ఆమె ఒక సింగర్, లిరిసిస్ట్‌, మ్యుజీషియన్, మోడల్, యాక్ట్రెస్. చిన్నప్పటి నుంచి యాక్టింగ్ మీద తనకి ఉన్న ఆ ఇష్టంతో టీనేజ్ నుంచే అటు వైపు అడుగులు వేసింది. మొదట యాడ్ ఫిల్మ్స్లో యాక్ట్ చేసింది. వాటిలో ఒకటి ఆమెను ప్రపంచానికి పరిచయం చేసింది. దాంతో సినిమా ఆఫర్లు వచ్చాయి. బాలీవుడ్లో ఆఫర్లు వచ్చినా, మొదటి సినిమా చేసేందుకు టాలీవుడ్ను సెలక్ట్ చేసుకుంది. అంతేకాదు, తను తెలుగులో చేసిన రెండో సినిమా పాన్ ఇండియా మూవీ కావడం విశేషం. అదే, కొత్త సంవత్సరం మొదటి నెలలో రాబోతున్న ప్రభాస్ సినిమా ‘‘రాధేశ్యామ్’’. ఇందులో ఆమె ఒక ఇంట్రెస్టింగ్ రోల్ చేసింది. ఎవరా లక్కీ గర్ల్ అంటే సాషా ఛెత్రి. ఈ పేరు కంటే బహుశా ఎయిర్టెల్ 4జీ గర్ల్ అంటే ఈజీగా గుర్తుపట్టేస్తారేమో! సాషాను వాళ్లమ్మ సింగర్గా చూడాలనుకుందట. అందుకే తనకి ఐదో ఏడు నుంచే పాటలు పాడటం నేర్పించిందట. వాళ్ల నాన్న గిటార్ ప్లే చేయడం నేర్పించారు. కానీ, సాషాకి వీటితోపాటు యాక్టింగ్ అంటే చాలా ఇష్టం. దాంతో పాటలు రాస్తూ, పాడుతూ, ఆల్బమ్స్ చేస్తూనే యాక్టింగ్ అవకాశాల కోసం ప్రయత్నాలు మొదలుపెట్టింది.
రిక్షారాణి
సాషా నిక్ నేమ్ ‘రిక్షారాణి’. ‘రిక్షారాణి’ ఆల్బమ్ హిట్ కావడంతో తన నిక్ నేమ్ రిక్షారాణి అయిపోయింది. సాషా ఇన్స్టాగ్రామ్ అకౌంట్ పేరు కూడా ఇదే. ఈ ఆల్బమ్ చేయడానికి కారణం ముంబైలో సాషా ఎక్కువసార్లు రిక్షాలో జర్నీ చేయడమే. వాళ్ల కష్టం తెలిసి రిక్షావాళ్లకు ట్రిబ్యూట్గా ఈ ఆల్బమ్ చేసింది. రైటింగ్, సింగింగ్, గిటార్ ప్లే చేయడం సాషా హాబీలు. సాషా ఛెత్రిది డెహ్రాడూన్. నవంబర్ 26, 1996లో పుట్టింది. సాషా తండ్రి అరుణ్ కుమార్ ఛెత్రి, తల్లి మీనా. చిన్నప్పటి నుంచి యాక్టింగ్ అంటే సాషాకి చాలా ఇష్టం. ఆ ఇంట్రెస్ట్తోనే డెహ్రాడూన్ నుంచి ముంబై వచ్చింది. ‘‘జేవియర్ ఇనిస్టిట్యూట్ ఆఫ్ కమ్యూనికేషన్స్’’లో అడ్వర్టైజింగ్లో డిగ్రీ చదివింది.
ఆ యాడ్ చేయనని...
సాషా చదువుకుంటూనే కాపీ రైటర్గా పనిచేసింది. తర్వాత ‘‘కట్టి బట్టి” అనే సినిమాలో మ్యుజీషియన్గా చిన్న రోల్లో కనిపించింది. యాక్టర్ అవ్వాలనే ఆశతో మోడలింగ్లోనూ అడుగుపెట్టింది. అప్పుడే ఎయిర్ టెల్ 4జీ క్యాంపెయిన్ కోసం ఆడిషన్ జరుగుతోందని తెలిసింది. ‘‘ఇదేదో బాగుంది. ట్రై చేద్దాం’’ అని ఆడిషన్కి వెళ్లింది. ఆ క్యాంపెయిన్ కోసం తనని సెలక్ట్ చేశారు. కాకపోతే హెయిర్ కట్ చేసుకోవాలని చెప్పారు. మొదట సాషా అందుకు ఒప్పుకోలేదు. ఎందుకంటే తనది చాలా పొడవైన జుట్టు. జుట్టు కట్ చేసుకోవడం ఇష్టం లేక ‘యాడ్ చేయను’ అని చెప్పిందట. కానీ, తర్వాత మళ్లీ తనే ఒప్పుకుని, ఆ యాడ్లో నటించింది. ఆ యాడ్ ఎంత పాపులర్ అయిందో అందరికీ తెలిసిందే.
ఒక సర్వే ప్రకారం దాదాపు రెండు నెలలు ఎక్కువసార్లు స్ర్కీన్ మీద కనిపించిన ఫేస్ ఎవరిది? అంటే సాషా ఛెత్రినే అని తెలిసింది. అదలా ఉంటే... ఆమె చేసిన ఆ యాడ్... టీవీ, సెల్ఫోన్, రేడియోల్లో ఎక్కువ సార్లు వస్తుండడంతో ప్రజలకు చిరాకు తెప్పించిన బ్రాండ్ కూడా అదేనని మరో సర్వేలో తెలిసింది. ఇలా సాషా ఆ యాడ్ చేసిన తర్వాత పాపులారిటీతో పాటు, ట్రోల్స్, నెగెటివిటీని ఫేస్ చేయాల్సి వచ్చింది. ఆ నెగెటివినీ ఎలా డీల్ చేశారని అడిగితే ‘‘డీల్ చేయడం కంటే మైండ్లో నుంచి డిలిట్ చేయడం ఈజీ. వాటి గురించి ఎక్కువ మాట్లాడటం, రియాక్టవడం టైం వేస్ట్. ఒక పబ్లిక్ ఫిగర్ అయిన తర్వాత ప్రజలు ఎలా రిసీవ్ చేసుకున్నా.. దాన్ని యాక్సెప్ట్ చేయాల్సి వస్తుంది. కాబట్టి మంచిని తీసుకుని, నెగెటివ్ని అవాయిడ్ చేయడం బెటర్”అంటోంది సాషా.
ఎయిర్ టెల్ 4జీతోపాటు, సన్ ఫీస్ట్ బిస్కెట్, నుస్రత్ గ్రీన్ టీ ప్రొడక్ట్స్ యాడ్స్లో కూడా నటించింది. అయితే ఎయిర్ టెల్ 4జీ యాడ్ లాంచ్ చేశాక ఆమె ఆ యాడ్ నుంచి తప్పుకుంది. తర్వాత రిలయన్స్ జియో యాడ్ చేసింది. ఎందుకు తప్పుకుందనే విషయంపై ఆమె క్లారిటీ ఇవ్వలేదు. కానీ, ఆ యాడ్ చేసినప్పుడు తను ఎదుర్కొన్న ట్రోల్స్, నెగెటివిటీ వల్లే తప్పుకుందని సోషల్ మీడియాలో టాక్. ఇంట్రెస్టింగ్ విషయం ఏంటంటే 2021, జూన్లో మళ్లీ ఎయిర్ టెల్ యాడ్ క్యాంపెయిన్లో కనిపించింది సాషా.
తెలుగులోనే తొలి సినిమా
సాషా ముంబైలో థియెటర్ వర్క్షాప్స్ కూడా చేసింది. అయితే ఎయిర్ టెల్ యాడ్తో పాపులర్ అయిన ఆమెకి బాలీవుడ్ నుంచి సినిమా, సీరియల్ ఆఫర్లు వచ్చాయి. కానీ, సాషా ఒప్పుకోలేదు. ఆ తర్వాత తెలుగు సినిమా ఆఫర్లు వచ్చాయి. వాటిలో సాషాకి ఒక కథ నచ్చింది. అదే ఆది సాయికుమార్ హీరోగా 2019లో వచ్చిన ‘‘ఆపరేషన్ గోల్డ్ ఫిష్”మూవీ. ఆ సినిమాలో మెయిన్ లీడ్గా చేసింది. ఆ మూవీ డైరెక్టర్ సాయి కిరణ్ అడివి. ఆయన సోషల్ మీడియాలో సాషా ఫొటోలు చూసి తనని మూవీ కోసం అప్రోచ్ అయ్యారట. ఈ సినిమా స్క్రిప్ట్ బాగా నచ్చడంతో సాషా ఈ ప్రాజెక్ట్ ‘ఓకే’ చేసింది. అయితే, తన మొదటి సినిమాకి రెమ్యునరేషన్ తీసుకోకూడదని అనుకుందట. అందుకని తన ఫస్ట్ సినిమా ఇదే కావడంతో రూపాయి కూడా రెమ్యునరేషన్ తీసుకోకుండానే ఈ సినిమాలో నటించింది సాషా. ఈ సినిమా తనదాకా రావడానికి కారణం టాలీవుడ్లో యాక్టింగ్ గురుగా పరిచయం ఉన్న మహేశ్ గంగిమల్ల అని కొన్ని ఇంటర్వ్యూల్లో సాషా చెప్పింది. తెలుగులో సాషా ఫేవరెట్ హీరోలు విజయ్ దేవరకొండ, మహేష్ బాబు.
అది జోక్ అనుకున్నా..
‘‘నాన్న ఎక్స్ ఆర్మీ ఆఫీసర్. ఆర్మీ ఫ్యామిలీలో పెరగడం వల్ల ఎప్పుడూ యాక్టింగ్, మోడలింగ్ ఆలోచనలు రాలేదు. ఎక్కువ చదువు మీదే శ్రద్ధ ఉండేది. పైగా చిన్నప్పుడు నేను చాలా సైలెంట్. కొత్త వాళ్లతో మాట్లాడాలంటే షైగా ఫీలయ్యేదాన్ని. దానివల్ల నాకు ఫ్రెండ్స్ కూడా తక్కువే. అయితే నన్ను సింగర్గా చూడాలనేది మా అమ్మ కోరిక. దాంతో సింగింగ్ ప్రాక్టీస్ చేశా. రకరకాల పోయెమ్స్ చదవడమంటే ఇంట్రెస్ట్. వాటి నుంచి ఇన్స్పైర్ అయ్యి నేను సొంతంగా పాటలు రాయడం మొదలుపెట్టా. నా ఆల్బమ్స్‌‌కి నేనే పాట రాసి, పాడి, మ్యూజిక్ కంపోజ్ చేస్తాను. మ్యూజిక్ ఆల్బమ్ వీడియోలు అప్ లోడ్ చేయడంతో కొంత గుర్తింపు వచ్చింది. నేను చదివింది అడ్వర్టైజింగ్ కాబట్టి అటు వైపు కూడా నా లక్ టెస్ట్ చేసుకుందామని కొన్ని అడ్వర్టైజింగ్ కంపెనీలకు అప్లై చేశా. ఆడిషన్ కూడా ఇచ్చా. వాటిలో ఛాన్స్ రాలేదు. అప్పుడు నా ఫ్రెండ్స్ ఫోన్ చేసి ‘నువ్వు సెలక్ట్ అయ్యావ్’ అని సరదాగా ఏడిపించేవాళ్లు. ఎయిర్ టెల్ యాడ్ ఆడిషన్ తర్వాత ఆ కంపెనీ నుంచి కాల్ వచ్చింది.. ‘సెలక్ట్ అయ్యావ్. కాకపోతే జుట్టు కత్తిరించుకోవాలి’ అని చెప్పారు. అది వినగానే నా ఫ్రెండ్స్ నన్ను ఏడిపించడానికి అలా చేస్తున్నారని నవ్వుకున్నా. అస్సలు నమ్మలేదు. వాళ్లు ‘కాదు. నిజం చెప్తున్నాం. మేం ఎయిర్ టెల్ కంపెనీ వాళ్లం’ అని చెప్పినా నమ్మలేదు. ‘సరే.. ఓకే’ అని చెప్పి పెట్టేశా. మా ఫ్రెండ్స్ని అడిగితే ‘లేదు మేం చేయలేదు. అది నిజంగా వాళ్లే చేశారు’ అని చెప్పడంతో షాక్ అయ్యా. తర్వాత రియలైజ్ అయ్యా. కానీ, జుట్టు కట్ చేసుకోవాలంటే కాస్త ఆలోచించా. అప్పుడు చాలామంది నాకు సపోర్ట్ చేశారు. నన్ను మోటివేట్ చేశారు. ఫైనల్గా నేను ఆ యాడ్ చేశా. దానివల్ల దేశవ్యాప్తంగా గుర్తింపు వచ్చింది” అంది సాషా.
