ఉప్పల్ స్టేడియంలో ఐపీఎల్ టికెట్ల అమ్మకాల వివాదం మరింత ముదురుతోంది. అమ్మకాల్లో హెచ్ సీఏ బ్లాక్ దందా కొనసాగుతోందని ఉప్పల్ స్టేడియం ముందు ఆందోళన చేపట్టారు ఏఐవైఎఫ్ నేతలు. 20 నిమిషాల్లో 70 వేల టికెట్లు ఏవిధంగా అమ్ముడుపోయాయంటూ ప్రశ్నించారు. క్రికెట్ అభిమానులకు టికెట్లు దొరక్క ఇబ్బందిపడుతున్నారన్నారు. ఏప్రిల్ 25న జరిగే క్రికెట్ మ్యాచ్ ను క్రికెట్ అభిమానులతో కలిసి అడ్డుకుంటామని హెచ్చరించారు.
హెచ్ సీఏ ప్రతినిధుల్ని కలిసేందుకు స్టేడియం లోపలికి అనుమతించక పోవడంతో గేట్లని తోసుకొని వెళ్లేందుకు ప్రయత్నించారు పలు సంఘాల నాయకులు. దీంతో సెక్యూరిటీ సిబ్బందికి, విద్యార్థి నాయకులకు మధ్య తోపులాట జరిగింది.
మరో వైపు కొండాపూర్ ఏరియాలో ఐపీఎల్ టికెట్లను బ్లాక్ లో అమ్ముతున్న ముగ్గురిని అదుపులోకి తీసుకున్నారు. సన్రైజర్స్హైదరాబాద్వర్సెస్రాయల్చాలెంజర్స్బెంగళూరు మ్యాచ్కు సంబంధించిన 15 టికెట్లను స్వాధీనం చేసుకున్నారు. ఒక్కో టికెట్ను రూ.10 వేల నుంచి రూ.15 వేలు చొప్పున విక్రయిస్తున్నట్లు పోలీసులు గుర్తించారు. ముగ్గురు యువకులను మాదాపూర్ పోలీసులకు అప్పగించారు. కేసు నమోదైంది.
