శుక్రవారం (ఈనెల 6వ తేదీ) మూడు సినిమాలు విడుదలకానున్నాయి. హీరో విశ్వక్ సేన్ అశోక వనంలో అర్జున కళ్యాణం మూవీతో రాబోతుంటే, డబ్బు కంటే ఆశ చాలా స్ట్రాంగ్ ఎమోషన్ అంటూ శ్రీ విష్ణు భళా తందనాన అంటున్నాడు. ఈ సినిమాలో కేథరిన్ థ్రెసా హీరోయిన్‌గా నటించింది. వారాహి చలనచిత్రం పతాకంపై సాయి కొర్రపాటి సమర్పణ లో రజనీ కొర్రపాటి నిర్మించారు. చైతన్య దంతులూరి దర్శకత్వం వహించారు. ప్రముఖ యాంకర్ సుమ లీడ్ రోల్ లో నటించిన జయమ్మ పంచాయితీతో రాబోతుంది.
ఇప్పటికే ఈ మూడు సినిమాలు పబ్లిసిటీ కూడా తమకు తోచిన విధంగా చేసుకున్నాయి. ఈ సినిమాల్లో విశ్వక్ అశోక వనంలో అర్జున కళ్యాణం కాస్తా ఆకర్శిస్తోంది. శ్రీ శ్రీష్ణు కూడా ఇప్పటికే డిఫరెంట్ సబ్జెక్ట్ లతో మంచి విజయాలు అందుకున్నాడు. ఈ క్రమంలోనే భళా తందనానతో మరోసారి విజయం అందుకోవాలని ఆశపడుతున్నాడు. మరి మూడు సినిమాల్లో ప్రేక్షకులు ఏ సినిమాకు ఓటు వేస్తారు..? ఏ మూవీ హిట్‌ అందుకోనుందనేది వేచి చూడాల్సిందే..!
