పద్మారావునగర్, వెలుగు: అల్వాల్ టిమ్స్ హాస్పిటల్ నిర్మాణ పనులను బుధవారం కంటోన్మెంట్ ఎమ్మెల్యే శ్రీగణేశ్హెల్త్, ఆర్అండ్బీ డిపార్ట్మెంట్ అధికారులతో కలిసి పరిశీలించారు. హాస్పిటల్కు వచ్చే వారికి ఎక్కడెక్కడ ఏఏ సేవలు లభిస్తాయో తెలిసేలా ఏర్పాట్లు చేయాలని సూచించారు. అనంతరం ఎమ్మెల్యే మీడియాతో మాట్లాడారు.
వెయ్యి పడకలు గల ఈ హాస్పిటల్లో న్యూరాలజీ, ట్రామాకేర్, క్యాన్సర్, ఆర్థోపెడిక్ మొదలగు 19 విభాగాల వైద్య సేవలు అందుబాటులోకి రానున్నాయని, 23 విభాగాలతో టీచింగ్ హాస్పిటల్ ఏర్పాటు కాబోతుందని చెప్పారు. మెరుగైన వసతులతో అతి తొందరలోనే నిర్మాణం పూర్తి చేసుకొని ప్రారంభోత్సవం చేసి పేద ప్రజలకు అందుబాటులోకి తీసుకువస్తామని ఎమ్మెల్యే తెలిపారు.
