- ఫ్యూచర్ గ్రూప్తో మెర్జర్ డీల్కు ఝలక్
న్యూఢిల్లీ: రిలయన్స్రిటెయిల్, ఫ్యూచర్ రిటెయిల్ లిమిటెడ్ల మెర్జర్ డీల్కు సుప్రీం కోర్టు బ్రేకు వేసింది. ఆన్లైన్ బిజినెస్లో అతి పెద్ద కంపెనీ అమెజాన్కు అనుకూలంగా తీర్పును వెల్లడించింది. అమెజాన్కు అనుకూలంగా గతంలో సింగపూర్ ఎమర్జన్సీ ఆర్బిట్రేటర్ జారీ చేసిన అవార్డు చెల్లుతుందని, మన దేశపు చట్టాల కింద దానిని అమలు చేయాల్సిందేనని సుప్రీం కోర్టు గురువారం స్పష్టం చేసింది. జస్టిస్ ఆర్ ఎఫ్ నారిమన్ బెంచ్ ఈ కేసుపై తన తీర్పును వెలువరించింది. విదేశీ ఎమర్జన్సీ ఆర్బిట్రేటర్లు జారీ చేసే అవార్డు మన దేశంలో చెల్లుతుందా లేదా అనే అంశాన్ని లోతుగానే సుప్రీం కోర్టు బెంచ్ పరిశీలించింది. ఎమర్జన్సీ ఆర్బిట్రేటర్ (ఈఏ) మన దేశపు చట్టాల ప్రకారం ఆర్బిట్రేటర్ కాదని, మన చట్టాలలో ఎక్కడా ఆ ప్రస్తావనే కనబడదని ఫ్యూచర్ రిటెయిల్ లిమిటెడ్ వాదించింది. రిలయన్స్ రిటెయిల్, ఫ్యూచర్ రిటెయిల్ లిమిటెడ్లు ప్రకటించిన మెర్జర్ డీల్ విలువ రూ. 24,731 కోట్లు.ఈఏ ఆర్డరు సెక్షన్ 17(1) కింద వస్తుందని, ఆర్బిట్రేషన్ అండ్ కాన్సిలేషన్ యాక్ట్లోని 17 (2) కింద దానిని అమలు చేయమని కోరవచ్చని సుప్రీం కోర్టు వెల్లడించింది. అమెజాన్కు అనుకూలంగా ఈఏ జారీ చేసిన అవార్డు మన దేశంలో అమలు చేయదగ్గదేనని ఇంతకు ముందు ఢిల్లీ హైకోర్టు తీర్పు చెప్పింది. ఈ తీర్పుతో తాము ఏకీభవిస్తున్నట్లు సుప్రీం కోర్టు బెంచ్ పేర్కొంది. రిలయన్స్ రిటెయిల్తో మెర్జర్కు ఒప్పుకున్న ఫ్యూచర్ రిటెయిల్ లిమిటెడ్పై అమెజాన్ కేసు వేసింది. డీల్ను ఆపేయాలని కోర్టును కోరింది. ఇప్పటికే సింగపూర్లోని ఎమర్జన్సీ ఆర్బిట్రేటర్ తమకు అనుకూలంగా ఇచ్చిన తీర్పు ఇండియాలోని చట్టాలకు అనుగుణమేనని వాదించింది. రెండు పక్షాలూ తాజా తీర్పుపై ఇంకా స్పందించలేదు. కాకపోతే, ఫ్యూచర్ గ్రూప్ రివ్యూ పిటిషన్ ఫైల్ చేసే అవకాశం ఉందని ఎక్స్పర్టులు చెబుతున్నారు. అమెజాన్ తరఫున గోపాల్ సుబ్రమణియం, ఫ్యూచర్ తరఫున హరీష్ సాల్వేలు ఈ కేసును వాదించారు.
