పద్మారావునగర్, వెలుగు : బేగంపేటలోని హైదరాబాద్ పబ్లిక్స్కూల్లో 8వ తరగతి చదువుతున్న ఆకర్షణ(12) చిన్నతనంలోనే సేవా గుణాన్ని చాటుతోంది. ప్రత్యేక చొరవతో బోయిగూడలోని బాలికల ఆగ్జలియమ్నవజీవన అనాథాశ్రమంలో ఓపెన్లైబ్రరీని ఏర్పాటు చేసింది. శనివారం అధికారులతో కలిసి ప్రారంభించింది. ఈ సందర్భంగా ఆకర్షణ మాట్లాడుతూ.. ఇప్పటివరకు పోలీస్స్టేషన్లు, బాలికల జువైనల్హోంలు, ప్రభుత్వ బడుల్లో 13 లైబ్రరీలను ప్రారంభించినట్లు తెలిపింది. మొత్తం 25 లైబ్రరీలు ఏర్పాటు చేయాలని టార్గెట్పెట్టుకున్నట్లు వివరించింది.
ఇప్పటివరకు మొత్తం 8,400 పుస్తకాలు సేకరించినట్లు వెల్లడించింది. 2021లో ఎంఎన్ జే క్యాన్సర్ హాస్పిటల్లోని చిన్నారులు అడిగిన కలర్ఫుల్ ఫొటోలతో కూడిన పుస్తకాలను ఇచ్చానని, ఆ టైంలో హాస్పిటల్నిర్వాహకులు పుస్తకాలు సేకరించి లైబ్రరీలు ఏర్పాటు చేయాలని సూచించారని చెప్పింది. అప్పటి నుంచి లైబ్రరీలు ఏర్పాటు చేస్తున్నట్లు తెలిపింది. లైబ్రరీల ఏర్పాటు విషయం తెలుసుకున్న ప్రధాని నరేంద్ర మోదీ, రాష్ర్టపతి ద్రౌపది ముర్ము మెచ్చుకున్నారని
మోదీ స్వయంగా 2 వేల పుస్తకాలు పంపించారని వెల్లడించింది. కార్యక్రమంలో యూనిసెఫ్ప్రోగ్రాం మేనేజర్డేవిడ్రాజ్, చైల్డ్ వెల్ఫేర్ కమిటీ ప్రతినిధి తన్నీరు ప్రమోద, డీసీపీఓ శ్రీనివాస్, రిటైర్డ్లైబ్రరీ అసిస్టెంట్ టీవీ ప్రఫుల్లా చంద్ర, అనాథాశ్రమ నిర్వాహకులు, ఆకర్షణ తండ్రి సతీశ్కుమార్ పాల్గొన్నారు.
