హైదరాబాద్ లంగర్ హౌస్లో పెను ప్రమాదం తప్పింది. టిప్పుఖాన్ పూల్ వద్ద గ్యాస్ సిలిండర్ల ఓవర్ లోడ్ తో వెళ్తున్న ట్రాలీ ఆటో బోల్తా పడింది. రోడ్డుపై సిలిండర్లు చెల్లాచెదురుగా పడిపోవడంతో అటుగా వెళ్లే ప్రయాణికులు భయాందోళనకు గురయ్యారు. అసలేం జరిగిందనే విషయం తెలుసుకునేలోపే గ్యాస్ సిలిండర్లు రోడ్డుకు ఇరువైపులా చెల్లాచెదురుగా పడిపోయాయి. ఆటో డ్రైవర్ కు ఎలాంటి ప్రమాదం జరగలేదు. స్వల్ప గాయాలతో బతికి బయటపడ్డారు.
గ్యాస్ సిలిండర్లు రోడ్డుపై పడిపోవడంతో ట్రాఫిక్ జామ్ ఏర్పడింది. అక్కడే ఉన్న కొందరు స్థానికులు బోల్తాపడిన ఆటోను పైకి లేపి..డ్రైవర్కు ప్రాథమిక చికిత్స అందించారు. ఓవర్ స్పీడ్ వల్లనే ఆటో అదుపుతప్పి బోల్తా కొట్టిందని చెబుతున్నారు.
