ములుగు, వెలుగు: ములుగు మండలంలోని ఏజెన్సీ గ్రామమైన అంకన్నగూడెం గ్రామంలో 1972 నుంచి ఏకగ్రీవంగా సర్పంచ్, వార్డు సభ్యులను ఎన్నుకుంటున్నారు. 44 ఏళ్లుగా ఆ గ్రామంలో పెద్దలంతా కలిసి పాలకులను ఎన్నుకునే సంప్రదాయాన్ని కొనసాగిస్తున్నారు. 354 మంది ఓటర్లు, ఆరు వార్డులు ఉన్న గ్రామంలో చివరి ఎన్నికలు 2019లో జరగగా అప్పుడు కూడా ఏకగ్రీవంగానే ఎన్నిక జరిగింది.
ఇక్కడ మొదటి సర్పంచ్ అల్లెం సమ్మయ్య ఏకగ్రీవంగా ఎన్నిక కాగా, అల్లెం లచ్చినర్సు మూడుసార్లు, అల్లెం నాగభూషణం, అర్రెం రాణి, ఈక కృష్ణ, చింత శ్యామల ఒక్కోసారి సర్పంచులుగా పని చేశారు. ఈ సారి కూడా ఏకగ్రీవం చేసేందుకు ప్రయత్నాలు సాగుతుండగా, రెండో విడతలో మొదటి రోజు అంకన్నగూడెంలో ఎలాంటి నామినేషన్ పడలేదు. సమీపంలో ఉన్న రాయినిగూడెం గ్రామం ఏకగ్రీవం కాగా, అంకన్నగూడెంలోనూ ఏక్రగీవం చేసేందుకు గ్రామస్తులు, సీనియర్ సిటిజన్లు పావులు కదుపుతున్నారు.
