ప్రపంచవ్యాప్తంగా సూపర్ సక్సెస్ అయినా బిగ్ బాస్(Bigg boss) షోకి.. తెలుగులో కూడా మంచి ఆదరణే లభించింది. ఇప్పటికే విజయవంతంగా ఆర్ సీజన్లు కంప్లీట్ చేసుకున్న ఈ షో.. తాజాగా ఏడవ సీజన్ కోసం సిద్ధమైంది. ఈ కొత్త సీజన్ కు సంబంధించిన ప్రోమో కూడా రిలీజ్ చేశారు మేకర్స్. ఈ ప్రోమోను ఆడియన్స్ నుండి కూడా సూపర్ రెస్పాన్స్ వచ్చింది.
అయితే తాజాగా తెలుగు బిగ్ బాస్ వివాదంలో చిక్కుకున్నట్లు తెలుస్తోంది. అసలు విషయం ఏంటంటే.. సీపీఐ నాయకుడు నారాయణ(CPI Narayana) గతంలోనే చాలాసార్లు బిగ్ బాస్ కౌంటర్స్ వేసిన విషయం తెలిసిందే. ఈ షో పిల్లలు, యువతపై ప్రభావం చూపిస్తుందని, కంటెస్టెంట్స్ మధ్య అశ్లీలత, అసభ్యత సీన్స్ కూడా ఎక్కువయ్యాయని పిటీషన్ వేశారు నారాయణ. దీంతో ఈ షోను నిలిపేయాలంటూ హైకోర్టు(High court) కూడా తీర్పు ఇచ్చిన విషయం కూడా విదితమే.
తాజాగా ఈ కేసుపై విచారణ జరిపింది ఏపీ హైకోర్టు. ఇందులో భాగంగా.. హోస్ట్ నాగార్జున(Nagarjuna)తోపాటు, ఛానెల్ కు నోటీసులు జారీచేసింది. అంతేకాదు.. ఈ పిటీషన్ పై కౌంటర్ దాఖలు చేయాలని కోరింది. తదుపరి విచారణను నాలుగు వారాలకు వాయిదా వేసింది. మరి ఇన్ని ఆటంకాల మధ్య బిగ్ బాస్ కొత్త సీజన్ మొదలవుతుందా? లేదా? అనేది ఆసక్తికరంగా మారింది.
