చాలామంది డిఫరెంట్ ఐబ్రో షేప్స్ ట్రై చేయాలనుకుంటారు. కానీ.. ఐబ్రో పల్చగా ఉండటంతో ప్రయోగాల జోలికి వెళ్లరు. అలాంటి వాళ్లు ఈ టిప్స్ ఫాలో అయితే ఒత్తైన ఐబ్రో సొంతం చేసుకోవచ్చు.
- వారానికోసారి కలబంద గుజ్జుని ఐబ్రోకి రాసి, ఆరాక కడిగితే ఆరోగ్యంగా పెరుగుతాయి. కలబంద గుజ్జులోని అలోయెనిన్, కెరోటిన్ ఐబ్రో పెరుగుదలకి సాయపడుతుంది.
- ఐబ్రోకి కండీషనర్గా, మాయిశ్చరైజర్గా కొబ్బరినూనె పనిచేస్తుంది. దీనిలోని ఫ్యాటీ యాసిడ్స్, విటమిన్–ఈ, ఐరన్, కనుబొమలు ఆరోగ్యంగా, ఒత్తుగా పెరిగేలా చేస్తాయి. అలాగే కొబ్బరి నూనెలోని యాంటీమైక్రోబయల్ ఏజెంట్స్ ఐబ్రో కుదుళ్ల ఆరోగ్యాన్ని కాపాడుతుంది.
- నిమ్మ పొట్టుని ముప్పావు కప్పు కొబ్బరి నూనెలో పదిహేను రోజులు నానబెట్టాలి. ఆ మిశ్రమంలో దూది ముంచి ఐబ్రోకి పట్టించినా ఫలితం ఉంటుంది. నిమ్మరసంలోని విటమిన్–సి, బి, ఫోలిక్ యాసిడ్ ఐబ్రో త్వరగా పెరిగేలా చేస్తాయి. అయితే ఈ రెమిడీ సెన్సిటివ్ స్కిన్ వాళ్లకి అంతగా పడదు.
- రోజూ రాత్రి పడుకునే ముందు ఆముదంతో ఐబ్రోని మర్దనా చేస్తే అందంగా ఉంటాయి. ఆముదంలోని మినరల్స్, ఫ్యాటీ యాసిడ్స్, యాంటీఆక్సిడెంట్లు, విటమిన్లు ఐబ్రోని ఆరోగ్యంగా పెరిగేలా చేస్తాయి.
