- ఒకరి పరిస్థితి విషమం
- డ్రైవింగ్ శిక్షణలో వెళ్తుండగా ప్రమాదం
- చేవెళ్ల మండలంలో కారును తప్పించబోయి పల్టీ
చేవెళ్ల, వెలుగు: రంగారెడ్డి జిల్లా చేవెళ్ల మండలం అల్లవాడ గేటు సమీపంలో ఆర్మీ వాహనం పల్టీ కొట్టింది. ఈ ఘటనలో వ్యాన్లోని 14 మంది గాయపడ్డారు. డ్రైవర్ పరిస్థితి విషమంగా ఉంది. జవాన్లు శుక్రవారం హైదారాబాద్ గోల్కొండ ఆర్మీ క్యాంపు నుంచి శిక్షణ కోసం షాబాద్‌ వెళ్తున్నారు.
చేవెళ్ల మండలం అల్లావాడ గేటు వద్ద ఎదురుగా కారును తప్పించబోయి చెట్టును ఢీకొట్టి బోల్తా పడింది. ఈ ప్రమాదంలో 13 మంది జవాన్లకు స్వల్ప గాయాలు కాగా, డ్రైవింగ్ శిక్షణలో ఉన్న హవల్దార్ అవిందర్‌‌‌‌‌‌‌‌కు తీవ్ర గాయాలయ్యాయి. గాయపడిన వారిలో మల్లప్ప, విశ్వనాథ్, రాజీవ్, అర్జుప్ప, జీవన్, జీత్వాస్ పరాస్, అశ్విన్, నుద్దీమ్, సూరజ్ తదితరులు ఉన్నారు. పోలీసులు గాయపడిన వారిని శంషాబాద్‌‌‌‌‌‌‌‌లోని ఓ ప్రైవేట్దవాఖానకు అక్కడి నుంచి గోల్కొండలోని ఆర్మీ దవాఖానకు తరలించారు. ప్రస్తుతం జవాన్లందరి ఆరోగ్య పరిస్థితి నిలకడగా ఉందని డాక్టర్లు తెలిపారు.
