హైదరాబాద్, వెలుగు : రాష్ట్రవ్యాప్తంగా ఏప్రిల్ 3 నుంచి 13వ తేదీ దాకా జరిగే పదో తరగతి పరీక్షలకు ఏర్పాట్లు పూర్తి చేశామని ప్రభుత్వం శనివారం ఒక ప్రకటనలో తెలిపింది. ఉదయం 9.30 గంటల నుంచి మధ్యాహ్నం 12.30 గంటల వరకు ఎగ్జామ్ నిర్వహిస్తామని పేర్కొంది. కాంపోజిట్ కోర్సు, సైన్స్ పేపర్లకు ఎగ్జామ్ ఉదయం 9.30 నుంచి మధ్యాహ్నం 12.50 వరకు 2,652 కేంద్రాల్లో ఉంటుందని వివరించింది. మొత్తం 4,94,620 మంది స్టూడెంట్స్ హాజరవుతున్నారని, వీరిలో 4,85,826 మంది రెగ్యులర్ స్టూడెంట్స్ అని తెలిపింది. ఈసారి 11 పేపర్లకు బదులుగా 6 పేపర్లతో పరీక్షలు నిర్వహిస్తున్నామని పేర్కొంది.
ఈనెల 24 నుంచి అన్ని స్కూల్స్లో హాల్టికెట్లు అందజేస్తారని, www.bse.telangana.gov.in వెబ్సైట్లో కూడా అందుబాటులో ఉంచామని వెల్లడించింది. ఇప్పటికే డీఈవోలు ఎగ్జామ్ సెంటర్స్లో సౌలత్ల పరిశీలన పూర్తి చేశారని ప్రభుత్వం తెలిపింది. ఇన్విజిలేటర్లు, ఫ్లయింగ్ స్క్వాడ్‌‌‌‌ల నియామకం, సీసీ కెమెరాల ఏర్పాటు, గుర్తింపు కార్డుల జారీ ప్రక్రియ పూర్తయినట్లు వివరించింది. ప్రతీ ఎగ్జామ్ సెంటర్లో ఓఆర్‌‌‌‌ఎస్ ప్యాకెట్లు, ఫస్ట్ ఎయిడ్ కిట్తో పాటు ఒక ఏఎన్ఎంను అందుబాటులో ఉంచినట్లు పేర్కొంది. ఎగ్జామ్ సెంటర్స్కు స్టూడెంట్స్ చేరుకునేందుకు వీలుగా టీఎస్ఆర్టీసీ బస్సుల సంఖ్యను పెంచిందని ప్రభుత్వం వెల్లడించింది.
