పండుగలు వచ్చినా.. పబ్బం వచ్చినా హిదువులు దేవాలయాలను సందర్శిస్తారు. హిందువులకు సంక్రాంతి పండుగ అత్యంత ముఖ్యమైన పండుగ. ప్రతి ఏడాది ఈ పండుగ జనవరి నెలలో వస్తుంది. ఈ ఏడాది జనవరి 14,15,16 తేదీల్లో వరుసగా భోగి.. మకరసంక్రాంతి.. కనుమ పండుగలు జరుపుకోనున్నారు. పురాణాల ప్రకారం సంక్రాంతి పండుగరోజు ప్రతి ఒక్కరు జన్మరాశిని బట్టి కొన్ని వస్తువులను దానం చేస్తే జాతక రీత్యా దోషాలు తొలగిపోతాయని పండితులు చెబుతున్నారు. ఏ రాశి వారు ఎలాంటి వస్తువులు దానం చేయాలో ఈ స్టోరీలో తెలుసుకుందాం. . .!
జ్యోతిష్యం ప్రకారం ఈ పెద్ద పండుగ సూర్యగమనంతో ముడిపడి ఉంది. సూర్యుడు మకర రాశిలోకి ప్రవేశించినప్పుడు మకర సంక్రాంతిని జరుపుకుంటారు. ఈ రోజున సూర్యుడిని ప్రత్యేకంగా ఆరాధిస్తారు. అందుకే ఈ పండుగను మకర సంక్రాంతి అంటారు. మకర సంక్రాంతినాడు ప్రజలు గంగా నది, ఇతర పవిత్ర నదులలో స్నానం ఆచరిస్తారు. ఈ రోజున ప్రత్యేకమైన ఆహార పదార్థాలను తింటారు. పతంగులను ఎగురవేస్తారు. ఈరోజు దానధర్మాలు కూడా చేస్తారు. ఈరోజున దానం చేయడమనేది పురాతన కాలం నుంచి వస్తోంది. ఈ రోజు ఆయా రాశులవారు తమకు సంబంధించిన దానాలు చేసి సూర్యుడి అనుగ్రహం పొందుతారు. దీంతో వారికి అనేక ప్రయోజనాలు చేకూరుతాయని పండితులు చెబుతున్నారు.
సంక్రాంతి నాడు ఏ రాశివారు ఏం దానం చేయాలంటే?
- మేష రాశి : బెల్లం
- వృషభ రాశి : బియ్యం
- మిథున రాశి : పెసర పప్పుతో తయారు చేసిన కిచిడి
- కర్కాటక రాశి : బియ్యం, చక్కెర మిఠాయి, నువ్వులు
- సింహ రాశి: నల్ల నువ్వులు, బెల్లం, గోధుమలు, బంగారం ( బంగారానికి ప్రత్యమ్నాయంగా ధనం)
- కన్యా రాశి: పెసర పప్పు కిచిడి
- తుల రాశి : తెల్లని బట్టలు, చక్కెర, దుప్పట్లు
- వృశ్చిక రాశి : నల్ల నువ్వులు, బెల్లం
- ధనుస్సు రాశి : కుంకుమపువ్వు
- మకర రాశి : నూనె మరియు నువ్వులు
- కుంభ రాశి: పేదలకు ఆహారం
- మీన రాశి : పట్టు వస్త్రం, నువ్వులు, పప్పులు, బియ్యం
ఇలా ఆ రాశివారు ఆయా దానాలు చేయడం ద్వారా సూర్యుడి అనుగ్రహంతో అదృష్టాన్ని పొందుతారు. వారి జీవితాల్లో సానుకూల ఫలితాలు అందుకుంటారు. ఇవన్నీ కూడా తెలిపిన వస్తువులు కేజీం పావు చోప్పున దానం చేయాలి. వారికున్న ప్రతికూలతలు తగ్గిపోతాయని జ్యోతిష్య పండితులు చెబుతున్నారు.
Disclaimer: పైన అందించిన సమాచారం కేవలం అవగాహన కోసం మాత్రమే. ఈ కథనాన్ని జ్యోతిష్య నిపుణుల సలహాలతో పాటు ఇంటర్నెట్ లో అందుబాటులో ఉన్న సమాచారం వినియోగించి రూపొందించబడింది. ఈ సమాచారాన్ని V6 వెలుగు యాజమాన్యం లేదా ఉద్యోగులు ధృవీకరించలేదు. మీకున్న వాస్తు, జ్యోతిష్య సమస్యలకు నిపుణులను సంప్రదించటం ఉత్తమం.
