కోల్బెల్ట్, వెలుగు: మంచిర్యాల జిల్లా మందమర్రి పట్టణంలోని ఎర్రగుంటపల్లి గ్రామానికి చెందిన కానిస్టేబుల్ రేండ్ల అరవింద్యాదవ్(31) ఆదివారం వేకువజామున రైలు కింద పడి ఆత్మహత్య చేసుకున్నాడు. ఈ ఘటన రామన్కాలనీ ఫ్లై ఓవర్ బ్రిడ్జి కింద ఉన్న మూడో రైల్వే లైన్పై జరిగింది.
అరవింద్యాదవ్ కుమ్రంభీం ఆసిఫాబాద్ జిల్లా సిర్పూర్(టి)లో డ్యూటీ చేస్తున్నాడు. బ్లూ కోల్ట్స్ విధుల్లో నిర్లక్షం కారణంగా మార్చి 5న సస్పెండ్ అయ్యాడు. అప్పటి నుంచి మానసిక ఒత్తిడికి గురై ఆత్మహత్య చేసుకున్నట్లు తెలుస్తోంది. సమాచారం అందుకున్న బెల్లంపల్లి రైల్వే పోలీసులు ఘటనా స్థలానికి చేరుకొని డెడ్బాడీని పోస్టుమార్టం కోసం ప్రభుత్వ ఆసుపత్రికి తరలించారు. ఈ ఘటనపై కేసు నమోదు చేసి దర్యాప్తు చేస్తున్నట్లు పోలీసులు తెలిపారు.
