సొంతగడ్డపై వెస్టిండీస్ కు ఘోర పరాభవం. టీ20 ఫార్మాట్ లో అదరగొట్టే వెస్టిండీస్ జట్టు సొంతగడ్డపై ఆస్ట్రేలియా చేతిలో క్లీన్ స్వీప్ అయింది. రెండు సార్లు టీ20 వరల్డ్ కప్ విన్నర్ వెస్టిండీస్ 5 మ్యాచ్ ల టీ20 సిరీస్ ను 0-5 తేడాతో ఓడిపోయింది. భారత కాలమాన ప్రకారం మంగళవారం (జూలై 29) ఉదయం జరిగిన ఈ మ్యాచ్ లో ఆస్ట్రేలియా 3 వికెట్ల తేడాతో విజయం సాధించింది. ఆస్ట్రేలియాకు ఒక్క మ్యాచ్ లో కూడా పోటీ ఇవ్వకుండానే విండీస్ చేతులెత్తేసింది. ఆశ్చర్యకరంగా ఐదు మ్యాచ్ ల్లో ఆసీస్ ఛేజింగ్ చేసి గెలవడం విశేషం.
అంతకముందు టెస్ట్ సిరీస్ ను 3-0 తో వైట్ వాష్ చేసిన ఆస్ట్రేలియా.. టీ20 ఫార్మాట్ లో కూడా అన్ని మ్యాచ్ ల్లో గెలిచి క్లీన్ స్వీప్ చేసింది. దీంతో సొంత గడ్డపై వెస్టిండీస్ ఒక్క మ్యాచ్ కూడా గెలవకుండా విమర్శలు మూటగట్టుకుంటుంది. మరోవైపు టీ20 సిరీస్ ను 5-0 తో గెలుచుకున్న ఆస్ట్రేలియా ఒక అరుదైన రికార్డ్ నెలకొల్పి ఇండియా సరసం చేరింది. ఐసీసీ సభ్యదేశాల్లో 5 మ్యాచ్ ల టీ20 సిరీస్ ను క్లీన్ స్వీప్ చేసిన రెండో జట్టుగా ఆస్ట్రేలియా చరిత్ర సృష్టించింది. 2020లో న్యూజిలాండ్ పై ఇండియా 5 మ్యాచ్ ల టీ20 సిరీస్ ను 5-0 తో క్లీన్ స్వీప్ చేస్తే.. తాజాగా ఆస్ట్రేలియా ఈ ఫీట్ రిపీట్ చేసింది. ఓవరాల్ గా మలేషియా, కేమన్ దీవులు, టాంజానియా, స్పెయిన్ జట్లు కూడా ఈ ఘనత అందుకున్నాయి.
ఆస్ట్రేలియా, వెస్టిండీస్ జట్ల మధ్య జరిగిన ఐదో టీ20 మ్యాచ్ విషయానికి వస్తే.. ఈ సిరీస్‌లో వరుసగా ఐదవసారి ఆస్ట్రేలియా టాస్ గెలిచి ముందుగా బౌలింగ్ ఎంచుకుంది. మొదట బ్యాటింగ్ కు దిగిన వెస్టిండీస్ నిర్ణీత 19.4 ఓవర్లలో 170 పరుగులకు ఆలౌటైంది. 32 పరుగులకే 3 వికెట్లు కోల్పోయినప్పటికీ షిమ్రాన్ హెట్మెయర్ 31 బంతుల్లో 52 పరుగులు చేసి అర్ధ సెంచరీ చేసి జట్టును ఆదుకున్నాడు. రూథర్‌ఫోర్డ్ కూడా 17 బంతుల్లో 35 పరుగులు చేసి రాణించాడు. ఛేజింగ్ లో ఆస్ట్రేలియా 17 ఓవర్లలోనే 7 వికెట్లు కోల్పోయి 173 పరుగులు చేసి గెలిచింది. బెన్ ద్వార్షుయిస్ కు ప్లేయర్ ఆఫ్ ది మ్యాచ్.. కామెరాన్ గ్రీన్ కు ప్లేయర్ ఆఫ్ ది సిరీస్ అవార్డులు లభించాయి.
Only the second whitewash in a five-match bilateral T20I men's series featuring Full-Member teams 🏆
— ESPNcricinfo (@ESPNcricinfo) July 29, 2025
🔗 https://t.co/z5I0cFUacC pic.twitter.com/5SOqvdej4W
