న్యూఢిల్లీ: మార్వెల్ సినిమాటిక్ యూనివర్స్ (ఎంసీయూ) రూపొందించిన అవెంజర్స్ మూవీ సిరీస్ ఎంత పాపులర్ అనేది తెలిసిందే. ప్రపంచ వ్యాప్తంగా ఈ సిరీస్కు లక్షలాది మంది ఫ్యాన్స్ ఉన్నారు. ఒకవేళ ఈ సినిమా ఇండియాలో తెరకెక్కితే ఎలా ఉంటుందో ఊహించారా? లేదా, అయితే ఎక్కువగా ఆలోచించాల్సిన అవసరం లేదు. ఎందుకంటే ఇండియన్ సూపర్ హీరోస్ ఎలా ఉంటారో మీకు చూపించబోతున్నాం. బాలీవుడ్ హిట్ ఫిల్మ్ హైవే ఫేవరెట్ రణ్దీప్ హుడా దేశీ అవెంజర్స్ పేరుతో ఓ వీడియోను తన ఇన్స్టా అకౌంట్లో పోస్ట్ చేశారు.
అవెంజర్స్, అవెంజర్స్ ఎండ్గేమ్ క్యాప్షన్తో షేర్ చేసిన ఈ వీడియో ఇప్పుడు వైరల్ అవుతోంది. రివర్స్గా ప్లే అయ్యే ఈ వీడియోలో నీళ్లలో నుంచి అబ్బాయిలు ఒకరి వెంబడి మరొకరు పైకి వస్తారు. ఒక్కో స్పెషల్ గ్యాడ్జెట్స్తో కెప్టెన్ అమెరికా, డాక్టర్ స్ట్రేంజ్, బ్లాక్ ప్యాంథర్, ఐరన్ మ్యాన్, థోర్లా సదరు అబ్బాయిలు పోజ్ ఇవ్వడం ఆకట్టుకుంది. ఈ పోస్ట్కు థోర్ ఫేమ్ క్రిస్హోంవర్త్తోపాటు మరి కొందరిని హుడా ట్యాగ్ చేశాడు. ఈ వీడియోను చూసి అవెంజర్స్ ఎండ్ గేమ్లోని అవెంజర్స్ అసెంబుల్ సీన్ను వాళ్లు గుర్తుకు తెచ్చారని నెటిజన్స్ అంటున్నారు. వీళ్లు అవెంజర్స్ కాదు రివెంజర్స్ అని కొందరు కామెంట్స్ చేస్తున్నారు. మరి వైరల్ అవుతున్న దేశీ సూపర్ హీరోల వీడియోను మీరూ చూసేయండి.