కాజీపేట, వెలుగు : రైల్వేలో దేశంలోని అన్ని డీజిల్ షెడ్లలో కన్నా కాజీపేట డీజిల్ షెడ్ బెస్ట్ మెయింటెనెన్సు ఆఫ్ ఎలక్ట్రిక్ లోకోస్ గా అవార్డు అందుకున్నదని రైల్వే అధికారులు తెలిపారు. ఎలక్ట్రిక్ లోకో రైలింజన్ల మరమ్మతు, నిర్వహణలో ఇండియన్ రైల్వే బోర్డు కాజీపేట షెడ్ను ఎంపిక చేసిందని చెప్పారు.
ఈ అవార్డుని గురువారం సికింద్రాబాద్లోని రైల్వే జీఎం ఆఫీస్లో జీఎం ఏకే జైన్ అందించారని షెడ్ సీనీయర్ డీఎంఈ స్వరాజ్కుమార్ తెలిపారు. అనంతరం కార్మికులతో కలిసి సంబురాలు జరిపారు. కార్యక్రమంలో డీఎంఈ అనికేత్ కాడే, ఎస్ఎంఎం అతుల్ ద్వివేది, ఏసీఎంటీ రవీంద్ర కుమార్ పాల్గొన్నారు.
