- ఉస్మానియా వర్సిటీలో ఎగ్జిబిషన్ నిర్వహణ
- భారీగా తరలివచ్చిన విద్యార్థులు,అధ్యాపకులు
ఓయూ,వెలుగు: స్పేస్ టెక్నాలజీపై విద్యార్థులకు అవగాహన కల్పించడం, ఆసక్తిని పెంపొందించడం, స్పేస్ రీసెర్చ్ , ఇస్రో వ్యవస్థను అర్థం చేసుకోవాలనే ఉద్దేశంతో ఓయూ ఇంజినీరింగ్ కాలేజీలో గురువారం ‘ స్పేస్ ఆన్ వీల్స్ ’ ఎగ్జిబిషన్ ఏర్పాటు చేశారు. ఎలక్ట్రానిక్స్ అండ్ కమ్యూనికేషన్ ఇంజినీరింగ్ విభాగం, నేషనల్ రిమోట్ సెన్సింగ్ సెంటర్ ఎన్ఆర్ఎస్సీ సంయుక్తంగా నిర్వహించాయి. ఉదయం 9 గంటల నుంచి సాయంత్రం వరకు కొనసాగింది. ముందుగా ఎగ్జిబిషన్ ను ఓయూ రిజిస్ట్రార్ పి. లక్ష్మినారాయన ప్రారంభించి మాట్లాడారు. జీడిమెట్లలోని ఇస్రోలోని ఎన్ఆర్ఎస్సీలో సైంటిస్ట్ ఎస్ఎఫ్ శ్రీనివాస్ ప్రదర్శనకు నేతృత్వం వహించి చంద్రయాన్-– 3, ఇస్రో విజయాలపై అవగాహన ఎగ్జిబిషన్ కన్వీనర్ ఈసీఈ ప్రొఫెసర్ నవీన్ కుమార్ కల్పించారు. ప్రదర్శనలో ఓషియన్శాట్, రిశాట్, రిసోర్స్శాట్, చంద్రయాన్ శాటిలైట్ నమూనాలను జీడిమెట్లలోని ఎన్ఆర్ఎస్సీ ఔట్ రీచ్ ఫెసిలిటీ ద్వారా ప్రదర్శించారు. రాష్ట్ర నలుమూలల నుంచి ప్రభుత్వ, ప్రైవేట్ కాలేజీ నుంచి సుమారు 1,000 మంది విద్యార్థులు, అధ్యాపకులు తరలివచ్చారు.
