హైదరాబాద్, వెలుగు: ‘బీఫార్మసీ అడ్మిషన్లు ఇంకెప్పుడు?’ అనే శీర్షికతో బుధవారం వెలుగులో ప్రచురితమైన కథనంపై విద్యాశాఖ అధికారులు స్పందించారు. వచ్చే నెల 1 నుంచి బీఫార్మసీ, ఫార్మా-డీ, బయో టెక్నాలజీ కోర్సుల్లో అడ్మిషన్ల కోసం కౌన్సెలింగ్ ప్రారంభమవుతుందని ప్రకటించారు. ఈ మేరకు ఎంసెట్ బైపీసీ అడ్మిషన్ షెడ్యూల్ను టెక్నికల్ ఎడ్యుకేషన్ కమిషనర్ నవీన్ మిట్టల్ రిలీజ్ చేశారు.
ఫస్ట్ ఫేజ్ కౌన్సెలింగ్ నవంబర్ 1 నుంచి 6 దాకా, సీట్ల కేటాయింపు నవంబర్ 9న ఉంటుంది. సీట్లు పొందిన అభ్యర్థులు 13లోగా ఆన్లైన్ లో సెల్ఫ్ రిపోర్టింగ్ చేయాలి. ఫైనల్ ఫేజ్ కౌన్సెలింగ్ 17న ప్రారంభం అవుతుంది. 22న సీట్ల అలాట్మెంట్ ఉంటుంది. సీట్లు పొందిన అభ్యర్థులు 25లోపు కాలేజీల్లో రిపోర్టు చేయాలి. కాగా, 23న స్పాట్ అడ్మిషన్ల షెడ్యూల్ రిలీజ్ చేయనున్నారు.
