న్యూఢిల్లీ, వెలుగు: దసరా పండుగ సందర్భంగా ఏటా నిర్వహించే అలయ్ బలయ్ కార్యక్రమానికి రావాలని ఉప రాష్ట్రపతి జగదీప్ ధన్ఖడ్ను అలయ్ బలయ్ ఫౌండేషన్ చైర్మన్ బండారు విజయలక్ష్మి ఆహ్వానించారు. గురువారం ఢిల్లీలోని ఉప రాష్ట్రపతి నివాసంలో సంస్థ ట్రస్టీ జనార్దన్ రెడ్డితో కలిసి ఆయనకు ఇన్విటేషన్‌‌‌‌‌‌‌‌ను అందజేశారు. ఈ నెల 25న హైదరాబాద్‌‌‌‌‌‌‌‌లో నిర్వహించనున్న ఈ కార్యక్రమానికి ముఖ్య అతిథిగా రావాలని ఆమె కోరారు.
గత కొన్నేండ్లుగా తన తండ్రి హర్యానా గవర్నర్ బండారు దత్తాత్రేయ ఈ కార్యక్రమాన్ని నిర్వహిస్తున్నారని చెప్పారు. అన్ని వర్గాల ప్రజలు, రాజకీయ నేతలు, ఇతర వర్గాలను ఒకే చోటకు చేర్చాలనే ఉద్దేశంతో ఈ ప్రొగ్రాంను క్రమం తప్పకుండా నిర్వహిస్తున్నామని వివరించారు.
